စိုက်ပျိုးရေးသမ၀ါယမအသင်းသားတောင်သူတွေအတွက်ဆယ်ကြိမ်မြောက်အဖြစ် အသေးစားအရင်းအနှီးချေးငွေ အပါအ၀င် စုစုပေါင်းငွေကျပ်ဘီလီယံ(၅၅၀)ကျော်ကို ယခုနှစ်မှာထုတ်ချေးပေးသွားမယ်လို့သိရပါတယ်။ စိုက်ပျိုးရေး၊မွေးမြုရေးနှင့် ဆည်မြောင်းဝန်ကြီးဌာနလက်အောက်ရှိ သမ၀ါယမဦးစီးဌာနနဲ့ သမ၀ါယမအသင်းအဆင့်ဆင့် ပူးပေါင်းဆောင်ရွက်ပြီး ချေးငွေးတွေထုတ်ချေးနေတာဟာယခုအကြိမ်အပါအ၀င် ဆယ်ကြိမ်အထိရှိနေပါပြီ။

ဆယ်ကြိမ်မြောက်ချေးငွေအဖြစ် စုစုပေါင်းငွေကျပ် (၅၅၁)ဒသမ(၁၂၇)ဘီလီယံကို ထုတ်ချေးပေးမှာဖြစ်ပြီး အဆိုပါချေးငွေတွေကို စနစ်တကျနဲ့ အသင်းသားတွေထံအမြန်ဆုံးထုတ်ချေးပေးသွားဖို့ ဒုတိယသမ္မတ ဦးဟင်နရီဗန်ထီးယူက တိုက်တွန်းလိုက်ပါတယ်။ ထုတ်ချေးပေးမယ့် ချေးငွေတွေထဲမှာ အသေးစားအရင်းအနှီးချေးငွေအတွက် ငွေကျပ် (၅၄၂)ဒသမ (၇၈၂)ဘီလီယံနဲ့ စက်မှုလယ်ယာစနစ်သို့အဆင့်မြှင့်တင်မယ့် လယ်ဧက(၂၄၉၀၁)ဒသမ(၈၀)ဧကအတွက် ချေးငွေအဖြစ် ငွေကျပ်(၇)ဒသမ(၁၈၇)ဘီလီယံ အပါအ၀င် မျိုးစေ့ထုတ်သမ၀ါယအသင်းတွေအတွက် ချေးငွေကျပ် (၁)ဒသမ(၁၅၈) ဘီလီယံတို့ပါဝင်ပါတယ်။

ချေးငွေတွေကိုတော့ သမ၀ါယမအသင်းသားတိုင်းထုတ်ချေးပေးတာမဟုတ်ပဲချေးယူလိုတဲ့အသင်းသားတွေကိုသာ ထုတ်ချေးပေးတယ်လို့ သမ၀ါယမဦးစီးဌာန ဒုတိယညွှန်ကြားရေးမှူးချုပ် ဦးသောင်းနိုင်ကပြောပါတယ်။ အဆိုပါချေးငွေတွေကို ဇူလိုင်လ(၇)ရက်က နေပြည်တော်ရှိ စိုက်ပျိုးရေး၊မွေးမြုရေးနှင့် ဆည်မြောင်းဝန်ကြီးဌာနရုံးမှာ ပြုလုပ်ခဲ့တဲ့ ၂၀၁၈ခုနှစ်အပြည်ပြည်ဆိုင်ရာသမ၀ါယမနေ့ အခမ်းအနားမှာ သက်ဆိုင်ရာတိုင်းဒေသကြီးနဲ့ ပြည်နယ်တွေက သမ၀ါယမအသင်းစုချုပ်တွေထံပေးအပ်ခဲ့ပါတယ်။ မြန်မာနိုင်ငံမှာ ယခုနှစ်မေလကုန်အထိ သမ၀ါယမအသင်းပေါင်း ၄၀၅၅၄ လေးသောင်းငါးရာငါးဆယ့်လေးသင်းရှိကာ စုစုပေါင်းသမ၀ါယမအသင်းသားဦးရေ လေးဆယ့်နှစ်သိန်းလေးသောင်းကိုးထောင်ငါးရာငါးဆယ့်ခုနှစ်ဦး (၄၂၄၉၅၅၇) အထိရှိတယ်လို့ သိရပါတယ်။

 

 

Related News