လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနလက်အောက်ရှိ အမျိုးသမီးများ ဖွံ့ဖြိုးတိုးတက်ရေးဌာနက ထွက်ရှိတဲ့ မြန်မာလက်မှုပစ္စည်းများကို ပြည်ပသို့တင်ပို့နိုင်ရန်လုပ် ဆောင်နေတယ်လို့ သိရပါတယ်။  အမျိုးသမီးများဖွံ့ဖြိုးတိုးတက်ရေးဌာနမှာ စက်ချုပ်သင်တန်း၊ ကွန်ပျူတာပန်းထိုးသင်တန်းနဲ့ ရက်ကန်းသင်တန်း တွေကိုသင်ကြားပေးနေပါတယ်။ ရက်ကန်းသင်တန်းမှာ ချည်ဆက်ခြင်း၊ ချည်ချခြင်း၊ စက်မောင်းစတဲ့ လုပ်ငန်းတွေကို အဆင့်ဆင့်သင်ကြားပေးပြီးယက္ကန်းခတ်ရာမှာလည်းစက်ရက်ကန်း၊ လက်ရက်ကန်း နှစ်မျိုးလုံးသင်ကြားပေးတယ်လို့သိရပါတယ်။

သင်တန်းမှထွက်ရှိတဲ့ ထုတ်ကုန်တွေဖြစ်တဲ့ မြန်မာ့ချည်ထည်လက်မှုပစ္စည်း၊ အိမ်သုံးပစ္စည်းတွေကို ပြည်ပတင်ပို့နိုင်ဖို့ လုပ်ဆောင်နေတယ်လို့သိရပါတယ်။ အမျိုးသမီးများဖွံ့ဖြိုးတိုးတက်ရေးဌာန စက်ချုပ်သင်တန်းမှာတော့ စက်ချုပ်နည်း၊ လက်ပန်းထိုး၊ အစညှပ်နည်းတွေအပြင် ကွန်ပျူတာပန်းထိုးတွေကိုပါသင်ကြားပေးနေပြီး နောက်ပိုင်းမှာ ကွန်ပျူတာနဲ့ ချိတ်ထမီထိုးနည်းတွေကိုပါ သင်ကြားပေးသွားဖို့ရှိတယ်လို့သိရပါတယ်။

သင်တန်းကိုတက် ရောက်နေတဲ့သင်တန်းသူတွေကတော့ အမျိုးသမီးသက်ငယ်သင်တန်းကျောင်း(မလိခ)မှ အသက်(၁၈)နှစ်ပြည့် ပြီး ပြောင်းရွှေ့လာသူတွေဖြစ်ပါတယ်။ သင်တန်းသူတွေအနေနဲ့ လက်မှုပညာသင်ကြားရတာအပြင် လုပ်ခပါရရှိတာကြောင့် သူတို့အတွက်အဆင်ပြေပြီး အမျိုးသမီးများဖွံ့ဖြိုးတိုးတက်ရေးဌာနဟာ သူတို့အတွက်လုံခြုံမှုရှိတယ်လို့ပြောပါတယ်။ လက်ရှိအမျိုးသမီးများဖွံ့ဖြိုးတိုးတက်ရေးဌာနမှ မြန်မာ့ချည်ထည်လက်မှုပစ္စည်း၊ လက်ကိုင်အိတ်မျိုးစုံ၊ အထည်မျိုးစုံ၊ အိမ်သုံးပစ္စည်းမျိုးစုံကိုထုတ်လုပ်ပြီး အမျိုးသမီးများဖွံ့ဖြိုးတိုးတက်ရေးဌာနရဲ့အရောင်းဆိုင်မှာ ပြန်လည်ရောင်းချထားပါတယ်။

 

 

 

 

Related News