အသားတိုးကြက်မွေးမြူခြင်းလုပ်ငန်းကို အရင်က ၀ါးခြံကြက်မွေးမြူရေးစနစ်နဲ့မွေးမြူခဲ့ပြီး (၂၀၁၆)ခုနှစ်က စတင်ပြီး အလုံပိတ်မွေးမြူရေး စနစ်ကို ပြောင်းလဲ မွေးမြူလာတာဖြစ်ပါတယ်။ မှော်ဘီမြို့နယ်အတွင်းမှာရှိတဲ့ သီရိစန္ဒာစိန်ရတနာ မွေးမြူရေးခြံက  အရင်က အသားတိုးကြက်တွေကို ၀ါးခြံတွေနဲ့  ကြက်မွေးမြူရေးစနစ်ကို လုပ်ဆောင်ခဲ့တာဖြစ်ပြီး (၂၀၁၆)ခုနှစ်ကစတင်ကာ အလုံပိတ်စနစ်ကြက်မွေးမြူရေးစနစ်နဲ့  ပြောင်းလဲ မွေးမြူနေတာဖြစ်ပါတယ်။

အရင်က ၀ါးခြံစနစ်နဲ့ကြက်မွေးမြူရာမှာအသားတိုးကြက်အကောင်ရေ (၃)ထောင်ကျော် သာမွေးမြူနိုင်ပြီး  အလုံပိတ်စနစ်မွေးမြူရာမှာတော့  အသားတိုးကြက်အကောင်ရေ တစ်သောင်းသုံးထောင်ကျော်လောက် မွေးမြူနိုင်တယ်လို့သိရပါတယ်။အခုပြောင်းလဲလိုက်တဲ့ အလုံပိတ်စနစ်ကြက်မွေးမြူရေးစနစ်မှာ ကြက်တွေကို အစားကျွေးမှုနဲ့ ကျန်းမာရေးကောင်းမွန်စေရန်အတွက် ဆေးတိုက်ရာမှာလည်း  အလိုလျောက်စနစ်နဲ့ လုပ်ဆောင်နေတာလို့မွေးမြူရေးခြံက တာဝန်ရှိသူကပြောပါတယ်။

အသားတိုးကြက်တွေကို အရင်က ၀ါးခြံနဲ့မွေးမြူရာမှာ ရာသီဥတုဒဏ်မခံနိုင်တာကြောင့် ကြက်ခြံတွေနဲ့ ကြက်အကောင်ရေတွေအများဆုံး ဆုံးရူံးပြီး အလုံပိတ်စနစ်ကတော့ ရာသီဥတုဒဏ်ခံနိုင်တဲ့အပြင်  ကြက်အကောင်ရေလည်း ပိုမိုထုတ်နိုင်တယ် ပြောပါတယ်။ဝါးခြံနဲ့  မွေးမြူရာကနေ အလုံပိတ်စနစ် ပြောင်းလဲလိုက်တာက အချိန်ကုန်သက်သာစေတဲ့အပြင် ကြက်အကောင်ရေတွေကို ပိုမိုမွေးမြူနိုင်စေရန် ရည်ရွယ်ပြီး ပြောင်းလဲလိုက်တာဖြစ်တယ်လို့ မွေးမြူရေးခြံမှ တာဝန်ရှိသူကပြောပါတယ်။

လက်ရှိမှာတော့ အသားတိုးကြက်တွေကို ရက်သားအရွယ်ကနေစတင်မွေးမြူနေတာဖြစ်ပြီး (၄၅)ရက်သားအရွယ်ရောက်ရင်တော့  ကြက်ဒိုင်အသီးသီးကို ရောင်းချနေတယ်လို့သိရပါတယ်။ ရန်ကုန်တိုင်းဒေသကြီးနဲ့ဆက်စပ် မြိုနယ်တွေဖြစ်တဲ့ မှော်ဘီ၊တိုက်ကြီးမြို့နယ်တွေအပြင် ပဲခူးတိုင်းဒေသကြီးနဲ့ဧရာဝတီတိုင်းဒေသကြီးတို့မှာ မွေးမြူထားတဲ့  ကြက်ခြံအရေအတွက်က  သိန်း (30)၀န်းကျင်ရှိတာဖြစ်ပြီး  အလုံပိတ်စနစ်နဲ့ မွေးမြူတာကတော့ 10 ရာခိုင်နှုန်းသာ ပြောင်းလဲမွေးမြူနေတာဖြစ်တယ်လို့ သိရပါတယ်။

 

 

 

Related News