ဇူလိုင်(၂၅)ရက်က မန္တလေးဈေးချိုမှာရောင်းချနေတဲ့ အစားအသောက်၊ ဆေးဝါးနဲ့အလှကုန်ဆိုင်တွေမှာ ခွင့်မပြုဓါတုဆိုးဆေးကင်းစင်ကြောင်း  မြန်မာနိုင်ငံအစားအသောက်နှင့်ဆေးဝါးကွပ်ကဲမှုဦးစီးဌာန FDA က အသိအမှတ်ပြု ကြေညာလိုက်ပါတယ်။ မန္တလေးဈေးချိုတော်ကို မြန်မာနိုင်ငံမှာ ခွင့်မပြုဓါတုဆိုးဆေးကင်းစင်တဲ့ဈေးဖြစ်ကြောင်း ပထမဆုံး ကြေညာနိုင်ခဲ့တာ ဖြစ်ပါတယ်။ မန္တလေးဈေးချိုတော်ကို ဒီလို ကြေညာနိုင်ဖို့အတွက် ၂၀၁၆ခုနှစ်ကတည်းက စတင်ကာရှောင်တခင်စစ်ဆေးမှုတွေ၊ အသိပညာပေးလုပ်ငန်းတွေကို နှစ်နှစ်ကြာ သက်ဆိုင်ရာ အဖွဲ့အစည်းတွေနဲ့ ပူးပေါင်းဆောင်ရွက်ခဲ့ရတယ်လို့ သိရပါတယ်။ ဒီလိုဆောင်ရွက်တာတွေ စတင်လုပ်ဆောင်ချိန်က ကုန်ပစ္စည်းရောင်းချတဲ့ ဆိုင်တွေမှာ ခွင့်မပြုဓါတုဆိုးဆေး အသုံးပြုတာတွေရှိခဲ့ကြပေမယ့် နောက်ပိုင်းမှာတော့ ဈေးချိုတော်ရှိဆိုင်တွေက ပူးပေါင်းပါဝင်အစ်ဆေးခံခဲ့တာကြောင့် အခုလိုခွင့်မပြုဓါတုဆိုးဆေးကင်းစင်တဲ့ ဈေးချိုတော်အဖြစ်ကြေညာနိုင်ခဲ့တာဖြစ်တယ်လို့ သိရပါတယ်။

မန္တလေးဈေးချိုတော်ကို ခွင့်မပြုဓါတုဆိုးဈေးကင်းစင်ရေးအတွက်မန္တလေးမြို့တော်စည်ပင်သာယာရေးကော်မတီ၊ အစားအသောက်နဲ့ဆေးဝါးကွပ်ကဲရေးဦးစီးဌာ(FDA)၊ပြည်သူ့ကျန်းမာရေးဦးစီးဌာန၊ စားသုံးသူရေးရာဦးစီးဌာန စတဲ့ဌာနတွေနဲ့ ဈေးသူဈေးသားတွေ ပူးပေါင်းပါဝင်ခဲ့ကြတယ်လို့သိရပါတယ်။ FDAကမန္တလေးဈေးချိုတော်မှာရှိတဲ့ အစားအသောက်၊ဆေးဝါးနဲ့အလှကုန်ဆိုင်ပေါင်း၃၈၆ဆိုင်ကိုခွင့်မပြုဓါတုဆိုးဆေးကင်းစင်သောဆိုင်ဖြစ်ကြောင်းအသိအမှတ်ပြုလက်မှတ်တွေလည်း ထုတ်ပေးထားပြီး ပြည်သူတွေအနေနဲ့ လက်မှတ်ထုတ်ပေးထားတဲ့ဆိုင်တွေမှာ ယုံကြည်စိတ်ချစွာဝယ်ယူနိုင်မှာ ဖြစ်ပါတယ်။

လက်မှတ်ရရှိထားတဲ့ဆိုင်တွေကိုလည်း ရှောင်တခင်စစ်ဆေးမှုတွေဆက်လက်ပြုလုပ်နေမှာဖြစ်ပြီး မလိုက်နာပါ က အသိအမှတ်ပြုကဒ်တွေကို ပြန်လည်သိမ်းဆည်းအရေးယူတာတွေဆောင်ရွက်မှာ ဖြစ်တယ်လို့သိရပါတယ်။ အခုလိုမန္တလေးဈေးချိုတော်ကို ခွင့်မပြုဓါတုဆိုးဆေးကင်းစင်ကြောင်းကြေညာနိုင်တဲ့အတွက် ဂုဏ်ယူပြီး ရေရှည်တည်တံ့အောင် ဆက်လက်ပူးပေါင်းပါဝင်ဆောင်ရွက်သွားမယ်လို့ မန္တလေးဈေးချိုတော်ဆိုင် ရှင်အချို့က ပြောပါတယ်။ FDAအနေနဲ့ ပြည်သူလူထုဘေးကင်းလုံခြုံတဲ့အစားအသောက်ဝယ်ယူစားသုံးနိုင်ဖို့ ရည်ရွယ်ချက်နဲ့ ခွင့်မပြုဓါတုဆိုးဆေးအသုံးပြုတဲ့ ရောင်းချသူနဲ့စားသုံးသူတွေအသိပညာပြန့်ပွားဖို့အတွက် တိုင်းဒေသကြီးအသီးသီးမှာသက်ဆိုင်ရာဌာနတွေ မိတ်ဖက်အဖွဲ့အစည်းတွေနဲ့ ပူးပေါင်းပြီးဆာင်ရွက်သွားမယ်လို့လည်းသိရပါတယ်။

 

 

Related News