ကုမ္ပဏီဥပဒေသစ်စတင်ကျင့်သုံးချိန်မှာတော့ အခြားကုမ္ပဏီတွေနည်းတူ ရန်ကုန်စတော့အိတ်ချိန်းစာရင်းဝင် အများပိုင်ကုမ္ပဏီတွေအနေနဲ့လည်း နိုင်ငံခြားသားတွေကို ရှယ်ယာ(၃၅)ရာခိုင်နှုန်းအထိ ရောင်းချခွင့်ရှိမှာဖြစ် ပါတယ်။ဒါပေမယ့် ရန်ကုန်စတော့အိတ်ချိန်းကုမ္ပဏီတွေရဲ့ရှယ်ယာတွေကို နိုင်ငံခြားသားတွေစတင်ဝယ်ယူနိုင်မယ့် ရက်ကတော့ စာရင်းဝင်ကုမ္ပဏီတွေရဲ့ ကုမ္ပဏီဥပဒေသစ်အရ ပြန်လည်မှတ်ပုံတင်ခြင်းနဲ့ သင်းဖွဲ့စည်းမျဉ်း ပြန်လည် ပြင်ဆင်မှု ပြီးစီင်္းချိန်ပေါ်မူတည်တယ်လို့ ငွေချေးသက်သေခံလက်မှတ်လုပ်ငန်းကြီးကြပ်ရေး ကော်မရှင်ထံက သိရပါတယ်။ ကုမ္ပဏီဥပဒေသစ်ကတော့ သြဂုတ်လ(၁)ရက်ကစပြီး စတင်ကျင့်သုံးမှာဖြစ်ပြီး ကုမ္ပဏီတွေအနေနဲ့ ခြောက်လအတွင်း ပြန်လည်မှတ်ပုံတင်ခြင်းကို ဆောင်ရွက်ခွင့်ရှိနေတာဖြစ်ပါတယ်။ 

ကုမ္ပဏီဥပဒေသစ် စတင်ကျင့်သုံးပြီးနောက်ပိုင်း ရှယ်ယာအရောင်းအ၀ယ်ပြုလုပ်ရာမှာ နိုင်ငံခြားသားတွေကို ရှယ်ယာ(၃၅)ရာခိုင်နှုန်းထက် ပိုမရောင်းမိစေရေး အပါအ၀င် ရန်ကုန်စတော့အိတ်ချိန်းရဲ့ စနစ်တွေကိုပြန်လည်ပြင်ဆင်နေသလို ၊ စာရင်းဝင်ကုမ္ပဏီတွေထဲမှာ ဘဏ်တွေလည်း ပါဝင် တာကြောင့် လိုအပ်တဲ့ညွှန်ကြားချက်တွေအတွက် ဗဟိုဘဏ်၊ ရင်းနှီးမြုပ်နှံမှုနှင့်ကုမ္ပဏီများညွှန်ကြားမှုဦးစီးဌာန တို့နဲ့လည်း ညှိနှိုင်းဆောင်ရွက်နေတယ်လို့သိရပါတယ်။ဒါကြောင့် ကုမ္ပဏီဥပဒေသစ် စတင်ကျင့်သုံးချိန် သြဂုတ်လ(၁)ရက်မှာ နိုင်ငံခြားသားတွေ ရှယ်ယာစတင်ဝယ်ယူနိုင်ဖို့က မလွယ်ကူ သေးဘူးလို့သိရပါတယ်။နိုင်ငံခြားသားရှယ်ယာဝယ်ယူခွင့်ပေးရာမှာလည်း ပြည်တွင်းမှာနေထိုင်ခွင့်ရသူတွေကိုသာ အရင်ပေးဖို့ စဉ်းစားထားပြီး နောက်ပိုင်းမှာမှ ပြည်ပက နိုင်ငံခြားသားတွေပါ ပါဝင်လာနိုင်ဖို့ရှိတယ်လို့ သိရပါတယ်။လက်ရှိ ရန်ကုန်စတော့ အိတ်ချိန်း မှာတော့ အရောင်းအ၀ယ်ပြုလုပ်ဖို့ ကိုယ်ပိုင်အကောင့်ဖွင့်ထားသူ သုံးသောင်းခွဲကျော်သာရှိပြီး နေ့စဉ်အရောင်းအ၀ယ် ပြုလုပ်သူ ထောင်ဂဏန်းသာရှိလို့ နိုင်ငံခြားသားတွေပါဝင်လာပါက ဈေးကွက် ပြန်လည်တက်လာဖို့ ခန့်မှန်းထားကြပါတယ်။လက်ရှိရန်ကုန်စတော့အိတ်ချိန်းမှာတော့ FMI ၊ MTSH ၊ ပထမပုဂ္ဂလိကဘဏ်၊မြန်မာနိုင်ငံသားများဘဏ် နဲ့ TMH တယ်လီကွန်းစတဲ့ အများပိုင်ကုမ္ပဏီငါးခုရှိပြီး လပိုင်းအတွင်း ရေအားလျှပ်စစ်ထုတ်လုပ်တဲ့အများပိုင် ကုမ္ပဏီတစ်ခု ထပ်မံဝင်ရောက်ဖို့ရှိသလို ထောက်ပံ့ပို့ဆောင်ရေးလုပ်ငန်းနဲ့ လယ်ယာစိုက်ပျိုးရေးနဲ့ဆိုင်တဲ့ အများပိုင်ကုမ္ပဏီနှစ်ခုလည်း ထပ်မံဝင်ရောက်လာဖို့ပြင်ဆင်နေပါတယ်။

 

 

Related News