၂၀၁၈ ခုနှစ်ဇွန်လကုန်အထိ လာရောက်ထုတ်ယူခြင်းမရှိတဲ့ ထီဆုမဲပေါင်းဟာ (၃၅၁၅၈)ဆုရှိခဲ့ပြီး၊ နိုင်ငံ့ဘဏ္ဍာငွေ အဖြစ်သိမ်း ဆည်းခဲ့တဲ့ ဆုငွေပေါင်းကတော့ ကျပ်၂.၉ ဘီလီယံ ကျော်ရှိခဲ့တာဖြစ်တယ်လို့ အောင်ဘာလေသိန်းဆုဌာနခွဲ၊ ပြည်တွင်းအခွန်များ ဦးစီးဌာနမှသိရပါတယ်။ ၂၀၁၇-၂၀၁၈ ဘဏ္ဍာနှစ်အတွင်းမှာ ကျပ်(၂၀၀)တန်ထီရဲ့ (၃၂၈)ကြိမ်မှ (၃၃၉)ကြိမ် အထိ ထီဆုကြေးလာရောက် ထုတ်ယူခြင်း မရှိသူများရဲ့ ဆုကြေးငွေများကို နိုင်ငံပိုင် ငွေကြေးများအဖြစ် ဘဏ္ဍာသိမ်းဆည်းခဲ့ပြီး၊ (၃၃၉)ကြိမ်မြောက် ကျပ်(၂၀၀)တန်ထီနဲ့ (၁)ကြိမ်မြောက် ကျပ်(၅၀၀)တန်ထီဆုကြေးငွေကို တော့ ၂၀၁၈ခုနှစ် မတ်လ တွင်းမှာသိမ်းဆည်းခဲ့တယ်လို့ သိရပါတယ်။

ဆုကြီးများအနေနဲ့ကတော့ ၂၀၁၇ခုနှစ် ဇွန်လမှာ (၃၄၁)ကြိမ်မြောက် ဖွင့်လှစ်ခဲ့တဲ့ ကျပ်(၂၀၀)တန် အောင်ဘာလေထီမှ ကျပ်သိန်း(၁၅၀၀)ဆုကို လာရောက်ထုတ်ယူခဲ့ခြင်းမရှိခဲ့တာကြောင့် ၂၀၁၈ခုနှစ် မေလမှာ နိုင်ငံဘဏ္ဍာငွေအဖြစ် သိမ်းယူခဲ့တာဖြစ်တယ် လို့ သိရပါတယ်။ ကျပ်(၅၀၀)တန်ထီ ဆုကြေးအနေနဲ့လည်း ၂၀၁၈ခုနှစ် ဇွန်လမှာဖွင့်လှစ်ခဲ့တဲ့ ကျပ်သိန်း(၁၀၀၀)ဆုကြေးကို လာရောက် ထုတ်ယူခြင်း မရှိခဲ့တာကြောင့် နိုင်ငံဘဏ္ဍာငွေအဖြစ်သိမ်းဆည်းခဲ့ပြီး၊ ၂၀၁၇-၂၀၁၈ ဘဏ္ဍာနှစ်မှာတော့  စုစုပေါင်းလာရောက်မထုတ်ယူခဲ့တဲ့ ဆုမဲပေါင်း (၅၆၈၂၆)ဆုနဲ့ ဘဏ္ဍာသိမ်းငွေပေါင်းကျပ် ၅.၆ ဘီလီယံကျော်ရှိခဲ့ပြီဖြစ်တယ်လို့ သိရပါတယ်။

အောင်ဘာလေသိန်းဆုဌာနခွဲ၊ ပြည်တွင်းအခွန်များဦးစီးဌာနမှ လာရောက်မထုတ်ယူတဲ့ဆုမဲများကို တစ်နှစ်မပြည့်မီဘဏ္ဍာသိမ်းမည့်လကို မြန်မာအလင်းသတင်းစာ၊ ပြည်နယ်(သို့) တိုင်းဒေသကြီး ပြည်တွင်းအခွန်များဦးစီးဌာနရုံးများ၊ အစိုးရအဖွဲ့ရုံးများ၊ မြို့နယ်အခွန်ဦးစီးဌာနမှူးရုံးများ၊ မြို့နယ်စည်ပင်သာယာရေးကော်မတီရုံးများရဲ့ ကြော်ငြာသင်ပုန်းများနဲ့ www.ird myanmar.gov.mm မှာ တစ်လကြိုတင်ကာ အချိန်မီကြော်ငြာပေးထားခဲ့တာဖြစ်တယ်လို့ သိရပါတယ်။

 

 

 

Related News