ရန်ကုန်တိုင်းဒေသကြီးအတွင်းက  တွံတေးမြို့နယ်တစ်ခုတည်းတွင်  တရားဝင်လုပ်ကိုင်ခွင့်မရှိသေးဘဲ လုပ်ကိုင်နေတဲ့ ငါးမွေးကန်ဧကပေါင်း (၁၅၀၀၀)ကျော်ရှိတယ်လို့ ရန်ကုန်တိုင်းဒေသကြီးလွှတ်တော် ကွင်းဆင်းစိစစ်မှုတွေအရ သိရပါတယ်။ရန်ကုန်တိုင်းဒေသကြီး ရေချိုငါးလုပ်ငန်းဥပဒေ(၂၀၁၃)ဟာ  လက်ရှိအခြေအနေအရ အားနည်းချက်တွေရှိနေလို့  ရန်ကုန်တိုင်းဒေသကြီးလွှတ်တော်က ပြင်ဆင်ဖို့ (ဒါမဟုတ်) အသစ်ပြန်လည်ရေးဆွဲနိုင်ဖို့ ကွင်းဆင်းလေ့လာစိစစ်တာတွေကို လုပ်ဆောင်နေတာပါ။ ဒီလို ကွင်းဆင်းတဲ့မြို့နယ်တွေထဲ တွံတေးမြို့နယ်ကလည်း တစ်မြို့အပါအ၀င်ဖြစ်ပါတယ်။ လက်ရှိမှာ တွံတေးမြို့နယ်အတွင်း ငါးမွေးကန်ပေါင်း(၃၈၀၀)ကျော် ရှိနေပြီး ဧရိယာ မှာ ဧကပေါင်းက (၃၅၀၀၀)နီးပါရှိတယ်လိုိ့ သိရပါတယ်။ ဒီကန်တွေမှာငါးမွေးမြူရေးလုပ်ကိုင်သူ ဦးရေ(၂၀၀၀)ကျော်ရှိတယ်လို့ ငါးလုပ်ငန်းဦးစီးဌာနက ကောက်ယူထားတဲ့စာရင်းတွေအရ သိရပါတယ်။ မွေးမြူရေးကန်ကို တွေထဲက    လယ်ယာမြေကို အခြားနည်းလမ်းသုံးစွဲလုပ်ကိုင်ခွင့်(လ/န)၃၉မရရှိသေးဘဲ လုပ်ကိုင်နေတဲ့ ကန်ဧကပေါင်း (၁၅၀၀၀)ကျော်ရှိနေတယ်လို့ သိရပါတယ်။

ဒါ့ကြောင့် ငါးကန်တွေနဲ့လယ်ယာလုပ်ကိုင်သူတွေကြား အငြင်းဖြစ်ပွားမှုတွေလည်းတွေ့ကြုံနေရတယ်လို့ သိရပါတယ်။တရားဝင်လုပ်ကိုင်ခွင့် (လ/န)၃၉ မရရှိသေးတဲ့ ငါးမွေးကန်လုပ်ကိုင်သူဦးရေ(၁၀၀၀)ကျော်ရှိတယ်လို့သိရပါတယ်။ ရန်ကုန်တိုင်းဒေသကြီး ငါးမွေးမြူရေးကန်တွေကို (လ/န)၃၉ ထုတ်ပေးဖို့ လောလောဆယ် ရပ်ဆိုင်းထားတယ်လို့ သိရပါတယ်။ ဒီအခြေအနေကတော့  တိုင်းဒေသကြီးအတွင်းရှိ ငါးလုပ်ငန်းရှင်တွေ လက်ရှိကြုံတွေနေရတဲ့ အခြေအနေတွေပါ။ ဒါ့ပြင်ရင်းနှီးမြှုပ်နှံဖို့အတွက် ငွေးကြေးအခက်အခဲရှိတာ၊ ငါးမျိုးစိတ်တွေ၊ ငါးစာစတဲ့ အခက်အခဲတွေ၊ ငါးအရည်အသွေးကျဆင်းလာတာတွေ ရှိနေတယ်လို့ဆိုပါတယ်။ ဒီလို တရားဝင်လုပ်ကိုင်ခွင့်မရှိဘဲ လုပ်ကိုင်နေရတာကြောင့် ငါးမွေးမြူသူတွေအနေနဲ့ အခက်အခဲတွေရှိသလို နိုင်ငံတော်အတွက်လည်း အခွန်ဘဏ္ဍာဆုံးရှူံးနစ်နာနေရတယ်လို့ လည်း ဆိုကြပါတယ်။ကြုံတွေ့နေရတဲ့ အခက်အခဲတွေကို ဖြေရှင်းနိုင်ဖို့အတွက် အားနည်းချက်တွ ရှိတဲ့ ရေချိုငါးလုပ်ငန်းဥပဒေကို  ပြင်ဆင်ဖို့ ငါးလုပ်ငန်းဦးစီး ဌာန၊ ငါးမွေးမြူရေးလုပ်ငန်းရှင်၊ လုပ်သားတွေနဲ့ဆွေးနွေးမေးမြန်းတာတွေကို တိုင်းဒေသကြီး လွှတ်တော်က လုပ်ဆောင်နေတာဖြစ် ပါတယ်။ 

 

 

Related News