အသေးစားနှင့်အလတ်စား စီးပွားရေးလုပ်ငန်းများဖွံ့ဖြိုးတိုးတက်ရေးအတွက် ကျယ်ကျယ်ပြန့်ပြန့် လက်တွေ့ပံ့ပိုးမှုတွေကို တိုးမြှင့်ဆောင်ရွက်သွားကြဖို့ ဒုတိယသမ္မတ ဦးမြင့်ဆွေကတိုက်တွန်းလိုက်ပါတယ်။ အသေးစားနှင့်အလတ်စား စီးပွားရေးလုပ်ငန်းများဖွံ့ဖြိုးတိုးတက်ရေးအတွက် ဒေသအလိုက် Action Plan များရေးဆွဲပြီး Action Plan တွေကို အဓိကထားကာ ဒေသတွင်း MSME တွေကို ထိထိရောက်ရောက်ပံ့ပိုးပေးဖို့လိုအပ်တယ်လို့ဆိုပါတယ်။ အသေးစားနှင့်အလတ်စားစီးပွားရေးလုပ်ငန်း (MSME)များဖွံ့ဖြိုးတိုးတက်ရေးအတွက် ပံ့ပိုးမှုတွေလုပ်ဆောင်ရာမှာ ပြည်တွင်းပြည်ပအဖွဲ့အစည်းများ နဲ့လည်းကောင်း၊ တိုင်းဒေသကြီးနဲ့ ပြည်နယ်ဘတ်ဂျတ်ငွေများလျာထားပြီး ကျယ်ကျယ်ပြန့်ပြန့်လက်တွေ့ပံ့ ပိုးနိုင်ရေးပိုမိုဆောင်ရွက်သွားဖို့ သြဂုတ်လ၂ရက်က ယခုနှစ်အတွက်ဒုတိယအကြိမ်မြောက်အဖြစ်ပြုလုပ်ခဲ့တဲ့ အသေးစားနှင့်အလတ်စား စီးပွားရေးလုပ်ငန်းများဖွံ့ဖြိုးတိုးတက်ရေးလုပ်ငန်းကော်မတီ အစည်းအဝေးကို တက်ရောက်စဉ် ဒုတိယသမ္မတဦးမြင့်ဆွေကပြောကြားခဲ့တာပါ။

အဆိုပါအစည်းအဝေးကို စက်မှုဝန်ကြီးဌာန ပြည်ထောင်စုဝန်ကြီး ဦးခင်မောင်ချို၊ စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်း၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်၊ နေပြည်တော်ကောင်စီ ဥက္ကဋ္ဌ ဒေါက်တာမျိုးအောင်နဲ့ ပြည်နယ်နှင့်တိုင်းဒေသကြီးက၀န်ကြီးချုပ်တွေ၊ အသေးစားနှင့်အလတ်စား စီးပွားရေးလုပ်ငန်းတွေနဲ့ သက်ဆိုင်သူတွေတက်ရောက်ခဲ့ကြပါတယ်။ယခုနှစ်အတွက်ဒုတိယအကြိမ်မြောက်အဖြစ်ပြုလုပ်ခဲ့တဲ့အစည်းအဝေးမှာ အသေးစားနှင့်အလတ်စား စီးပွားရေးလုပ်ငန်းများဖွံ့ဖြိုးတိုးတက်ရေးလုပ်ငန်းကော်မတီရဲ့ လုပ်ငန်းဆောင်ရွက်ချက်တွေ၊ MSME တွေ ဖွံ့ဖြိုးတိုးတက်ရေးအတွက် ဖြေလျှော့ပေးသင့်တဲ့အချက်တွေအပါအ၀င် MSME အေဂျင်စီအဖွဲ့တွေရဲ့ ဆောင်ရွက်ချက်တွေကိုတင်ပြခဲ့ကြတယ်လို့သိရပါတယ်။

အသေးစား နှင့်အလတ်စား စီးပွားရေးလုပ်ငန်းများဖွံ့ဖြိုးတိုးတက်ရေး လုပ်ငန်းကော်မတီ အစည်းအဝေးကို ပြီးခဲ့တဲ့ ၂၀၁၇ခုနှစ်အတွင်းတစ်ကြိမ်ကျင်းပခဲ့ပြီး အချက်(၈)ချက်ဆုံးဖြတ်နိုင်ခဲ့ကာ အချက်၆ချက်ကို ဆောင်ရွက်နိုင်ခဲ့တယ်လို့သိရပါတယ်။ ဒါ့အပြင် ယခု၂၀၁၈ ဖေဖော်ဝါရီလအတွင်းကျင်းပခဲ့တဲ့အစည်းအဝေးမှာတော့ အချက်၉ချက်ဆုံးဖြတ်နိုင်ခဲ့ကာ အချက်၎ခုကိုဆောင်ရွက်ပြီးစီးသွားပြီလို့သိရပါတယ်။

 

 

Related News