စပါး-ငါးတွဲဖက်စိုက်ပျိုးမွေးမြူတဲ့ စနစ်ဟာ အသေးစားတောင်သူတွေနဲ့မိသားစုတွေအတွက် စားနပ်ရိက္ခာနဲ့ အာဟာရပြည့်ဝလာစေယုံသာမက ၀င်ငွေပါတိုးတက်ရရှိတာကြောင့် အလားအလာရှိတဲ့ လုပ်ငန်း တစ်ခုဖြစ်တယ်လို့ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူကပြောပါတယ်။ 

စပါး-ငါးစနစ်ဆိုတာ စိုက်ပျိုးထားတဲ့ စပါးစိုက်ခင်းတွေရဲ့ ဘေးပတ်လည်မှာ ရေမြောင်းများတူးကာ ငါးမွေးမြူတဲ့စနစ်ဖြစ်ပါတယ်။ အရှေ့တောင်အာရှနိုင်ငံတွေမှာ စပါး-ငါးတွဲဖက်စိုက်ပျိုးမွေးမြူရေးလုပ်ငန်းဟာ မိရိုးဖလာစနစ်ကနေ တဖြည်းဖြည်းတိုးတက်လာပြီး စပါးနဲ့ ရေနေသတ္တ၀ါများရောနှေားမွေးမြူခြင်း စနစ်ကိုဆောင်ရွက်ခြင်းဖြင့်လူနေမှုဘ၀တွေတိုးတက်စေတာကြောင့် အဖွဲ့အစည်းတော်တော်များများက ဦးစားပေးဆောင်ရွက်လာကြတယ်လို့ ပြည်ထောင်စုဝန်ကြီး ဒေါက်တာအောင်သူကပြောပါတယ်။ 

သုတေသနရလဒ် တွေအရ စပါးတစ်မျိုးတည်းသီးသန့်စိုက်ပျိုးခြင်းထက် စပါး-ငါးတွဲဖက် စိုက်ပျိုး မွေးမြူခြင်းဟာစီးပွားရေးအရရောအာဟာရရှိမှုအတွက်ပါ ပိုမိုအကျိုးရှိစေတယ်လို့သိရပါတယ်။ဒါ့အပြင် စပါးခင်းထဲမှာငါးရှိခြင်းဟာမြေသြဇာကိုပိုမိုကောင်းမွန်စေပြီး စပါးပင်တွေအတွက်လိုအပ်တဲ့အဟာရကိုလည်းတိုးတက်ရရှိစေတယ်လို့ သိရပါတယ်။

မြန်မာနိုင်ငံမှာ စပါး-ငါးတွဲဖက်စိုက်ပျိုးမွေးမြူတဲ့ စနစ်တွေကို နေပြည်တော်ကောင်စီနယ်မြေ၊ ပဲခူး တိုင်းဒေသကြီးအပါအ၀င် တိုင်းဒေသကြီးနဲ့ပြည်နယ်အချို့မှာ လက်တွေ့ဆောင်ရွက်ထားတယ်လို့သိရပါ တယ်။ သြစကြေးလျနိုင်ငံတကာစိုက်ပျိုးရေးသုတေသနဌာန(ACIAR)ရဲ့ရံပုံငွေ အထောက်အပံ့နဲ့ ဧရာဝတီမြစ်ဝကျွန်း ပေါ်ဒေသတွင် 
စပါး-ငါးစနစ်များဖွံ့ဖြိုးတိုးတက်လာစေရေးစီမံကိန်းကို (၂၀၁၇)ခုနှစ်ကနေ စတင်ပြီး (၂၀၂၁)ခုနှစ် အထိဆောင်ရွက်သွားမယ်လို့ သိရပါတယ်။

အရှေ့တောင်အာရှဒေသ စပါး-ငါးဖွံ့ဖြိုးတိုးတက်ရေးနှီးနှောဖလှယ်ပွဲကိုနေပြည်တော်မှာရှိတဲ့ Kempinski ဟိုတယ်မှာ သြဂုတ်လ(၆)ရက်ကနေ (၈)ရက်အထိ ပြုလုပ်သွားမယ်လို့သိရပါတယ်။ အဲဒီနှီးနှောဖလှယ်ပွဲမှာ စပါး-ငါးတွဲဖက်စိုက်ပျိုးမွေးမြူတဲ့ စနစ်ထူထောင်ရေးကိစ္စတွေ၊ ဒေသတွင်းဆောင်ရွက်လျက်ရှိတဲ့ စပါး-ငါးသတင်းအချတ်အလက်တွေအကြောင်းအပါအ၀င် မြန်မာနိုင်ငံအနေနဲ့ မြေနှင့်ရေအသုံးချမှုပြု ပြင်ပြောင်းလဲရေးအတွက် အထောက်အပံ့ဖြစ်စေယ့်အကြောင်းအရာတွေကိုရှင်းလင်းသွားမယ်လို့သိရပါတယ်။

 

 

 

Related News