မန္တလေးတိုင်းဒေသကြီး SME Agency Action Plan ဖော်ထုတ်ရေး အလုပ်ရုံဆွေးနွေးပွဲကို စက်တင်ဘာလ ၂၇ ရက်က စတင်ပြီး မန္တလေးတိုင်းဒေသကြီး ကုန်သည်များနှင့်စက်မှုလက်မှု လုပ်ငန်းရှင်များအသင်း (MRCCI) မှာ ပြုလုပ်နေတာဖြစ်ပါတယ်။ယခုပြုလုပ်တဲ့ SME Agency Action Plan ဖော်ထုတ်ရေး အလုပ်ရုံဆွေးနွေးပွဲကို မန္တလေးတိုင်းဒေသကြီးအစိုးရ၊ စက်မှုဝန်ကြီးဌာနနဲ့ အသေးစားနဲ့အလတ်စား စီးပွားရေးလုပ်ငန်းများဖွံ့ဖြိုးတိုးတက်ရေးအေဂျင်စီ(SME Agency)တို့ပူးပေါင်းပြီး မန္တလေးတိုင်းဒေသကြီးအတွင်းရှိ အသေးစားနဲ့ အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေးကို ပံ့ပိုးအားပေးနိုင်ဖို့အတွက်ပြုလုပ်တာဖြစ်ပါတယ်။

အသေးစားနဲ့အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးအေဂျင်စီအနေနဲ့ SME Action Plan တွေကို ပြည်နယ်နဲ့တိုင်းဒေသကြီးတွေမှာ လှည့်လည်ဆောင်ရွက်နေတာဖြစ်ပြီး ပြည်နယ်နဲ့တိုင်းဒေသကြီးတွေက ဖွံ့ဖြိုးတိုးတတ်မှုတွေမှာ ဒေသတစ်ခုနဲ့တစ်ခုမတူညီတာကြောင့် ပြည်နယ်နဲ့တိုင်းဒေသကြီးတွေရဲ့ SMEလုပ်ငန်းတွေဖွံ့ဖြိုးတိုးတက်စေဖို့အတွက် စီမံချက်တွေနဲ့ဆောင်ရွက်နေတာ ဖြစ်တယ်လို့သိရပါတယ်။ အခုလို အလုပ်ရုံဆွေးနွေးပွဲပြုလုပ်တာဟာ SMEလုပ်ငန်းအကောင်အထည် ဖော်ဆောင်ရွက်ရာမှာ လိုအပ်ချက်တွေ ပြုပြင်ပြောင်းလဲဖို့ လိုအပ်တာတွေနဲ့ ဖွံ့ဖြိုးတိုးတက်မှုအကူအညီတွေ ရရှိစေဖို့ ထိတွေ့မှုအပိုင်းတွေကို ဆောင်ရွက်သွားမယ်လို့သိရပါတယ်။

ဒီဆွေးနွေးပွဲမှာ မန္တလေးတိုင်းဒေသကြီးအတွင်းရှိ အသေးစားနဲ့အလတ်စားစီးပွားရေး လုပ်ငန်းများ ဖွံ့ဖြိုးတိုးတက်ရေးအတွက် တစ်နှစ်တာအတွင်းလက်တွေ့ အကောင်အထည် ဖော်နိုင်မယ့် အချက်အလက်တွေကိုဆွေးနွေးခဲ့ကြတာဖြစ်တယ်လို့သိရပါတယ်။ အသေးစားနှင့်အလတ်စားလုပ်ငန်း လုပ်ကိုင်သူတွေအနေနဲ့ နိုင်ငံတကာနဲ့ယှဉ်နိုင်စေဖို့ စီးပွားဖြစ်ပုံစံတွေပြောင်းလဲဖို့လိုအပ်နေတာဖြစ်ပြီး စက်ရုံလုပ်ငန်းတွေလည်းပြောင်းလဲလာဖို့ လိုအပ်နေတယ်လို့ပြောပါတယ်။ ဒါကြောင့် SME လုပ်ငန်းတွေမှာ ပြောင်းလဲလုပ်ကိုင်နိုင်စေဖို့ ရင်းနှီးငွေတွေနဲ့ ချေးငွေတွေကို ဘယ်လိုပြောင်းလဲရရှိနိုင်မလဲဆိုတာတွေကိုလည်း ဆွေးနွေးသွားမှာဖြစ်တယ်လို့သိရပါတယ်။

အခုလို SME Agency Action Plan ဖော်ထုတ်ရေးအလုပ်ရုံဆွေးနွေးပွဲကို သက်ဆိုင်ရာ ပြည်ထောင်စုနဲ့ တိုင်းဒေသကြီးအစိုးရဌာနများ၊ လွှတ်တော်ကိုယ်စားလှယ်များ၊ ဘဏ်လုပ်ငန်းရှင်များ၊ အသေးစားနှင့်အလတ်စားလုပ်ငန်းရှင်တွေနဲ့ အရပ်ဖက်အဖွဲ့အစည်းများ တက်ရောက်ခဲ့တယ်လို့သိရပါတယ်။ မန္တလေးတိုင်းဒေသကြီး SME Agency Action Plan ဖော်ထုတ်ရေး အလုပ်ရုံဆွေးနွေးပွဲကို စက်တင်ဘာလ ၂၇ရက် မှ၂၈ ရက်ထိ ၂ရက်တာ ကျင်းပသွားမယ်လို့သိရပါတယ်။

 

 

Related News