စစ်ကိုင်းတိုင်းဒေသကြီး၊ ချောင်းဦးမြို့နယ်မှာ သခွားမွှေး စိုက်ပျိုးထုတ်လုပ်မှုများပြားတာကြောင့် စိုက်ပျိုးရောင်းချမှု ကဏ္ဍ တိုးတက်ဖွံ့ဖြိုးလာစေဖို့ စိုက်ပျိုးနည်းပညာဆွေးနွေးပွဲတစ်ခုကို စက်တင်ဘာလ(၂၇)က ချောင်းဦးမြို့၊ အနော်ရထာခန်းမမှာ ပြုလုပ်ခဲ့ပါတယ်။ 
ဒီဆွေးနွေးပွဲကို သခွားမွှေးကဏ္ဍ ဖွံ့ဖြိုးတိုးတက်လာစေဖို့ ဗဟုသုတနဲ့ နည်းပညာ အတွေ့အကြုံတွေကို မျှဝေပေးဖို့အတွက် ယာရာမြန်မာက ပြုလုပ်ပေးတာ ဖြစ်ပါတယ်။သခွားမွှေးကို ပြည်ပတင်ပို့ရောင်းချရာမှာ သီးနှံတွေရဲ့အထွက်နှုန်းနဲ့ အရည်အသွေး ကောင်းမွန်စေဖို့အတွက် အဆင့်မြင့် စိုက်ပျိုးရေးနည်းစနစ်တွေ လိုအပ်တယ်လို့ သိရပါတယ်။

ဒါ့အပြင် သခွားမွှေး ဈေးနှုန်းကို အသီးရဲ့အရည်အသွေးနဲ့ သတ်မှတ် တာကြောင့် တောင်သူများအနေနဲ့ အရည်အသွေးကောင်းမွန်တဲ့ အသီးတွေ ရရှိဖို့အတွက် စိုက်ပျိုးရေးနဲ့ပတ်သက်တဲ့နည်းပညာတွေ ရရှိစေဖို့ ဒီ ဆွေးနွေးပွဲကို ပြုလုပ်ပေးတာ ဖြစ်တယ်လို့ သိရပါတယ်။ စစ်ကိုင်းတိုင်းဒေသကြီး၊ ချောင်းဦးမြို့နယ်မှာ ဖရဲနဲ့သခွားကို အဓိကစိုက်ပျိုးပြီး သခွားမွေး စိုက်တောင်သူ (၇၀၀၀)ဝန်းကျင်ရှိတယ်လို့ သိရပါတယ်။တောင်သူတွေအနေနဲ့ သခွားမွှေးစိုက်ပျိုးရာမှာ အသီးတွေ အက်ကွဲတာ၊ ရိရွဲသွားတာ၊ အပွင့် တွေ ပုပ်တာနဲ့ အတွင်းသားပွတာ စတဲ့ အခက်အခဲတွေ ရှိနေတယ်လို့ ဆိုပါတယ်။ 

သခွားမွှေးကို မန္တလေး၊ စစ်ကိုင်းနဲ့ ပဲခူးတိုင်းဒေသကြီးတွေမှာ အဓိက စိုက်ပျိုးကြတယ်လို့ သိရပါတယ်။၂၀၁၆ ခုနှစ် ဧပြီလမှ ၂၀၁၇ ခုနှစ် မတ်လအထိ စစ်ကိုင်းတိုင်းဒေသကြီးမှ ထွက်ရှိတဲ့ သခွားမွှေးတန်ချိန် (၁၃၀၀၀၀)ကျော်ကို ပြည်ပတင်ပို့ရောင်းချနိုင်ခဲ့တယ်လို့ သိရပါတယ်။

 

 

Related News