အသေးစားနှင့် အလတ်စားလုပ်ငန်း(SME)များ ဖွံ့ဖြိုးတိုးတက်ရေးအတွက်  မူဝါဒကောင်းများပံ့ပိုးပေးနိုင်ဖို့နဲ့  စီးပွားရေးဝန်းကျင်ကောင်းများပေါ်ထွက်လာဖို့အတွက် Regulatory Development to Good Business ခေါင်းစဉ်နဲ့ ဆွေးနွေးပွဲကို စက်တင်ဘာလ (၂၉)ရက် မင်းဓမ္မလမ်းက SME Center မှာ ကျင်းပခဲ့ပါတယ်။ အသေးစားနှင့် အလတ်စားလုပ်ငန်းတွေဖွံဖြိုးတိုးတက်ဖို့နဲ့  ပြည်တွင်းထုတ်လုပ်မှုကို မြင့်မားဖို့ အဓိကထားပြီး ကဏ္ဍတိုင်းမှာ တိုးတက်အောင် မာစတာပလန်တွေရေးဆွဲဖို့လိုအပ်နေတယ်လို့ အခုဆွေးနွေးပွဲက သိရပါတယ်။

ဒါ့အပြင် ပြည်တွင်းကလုပ်ငန်းရှင်တွေကို နည်းပညာတွေပေးပြီး   အရည်အသွေးမီထုတ်ကုန်တွေ ထုတ်ပေးနိုင်အောင် နဲ့ ဈေးကွက်ကို နိုင်ငံတကာနည်းတူအဆင့်မြှင်ဖို့ အတွက် မူဝါဒပိုင်းဆိုင်ရာ အားပေးဖို့ လိုအပ်နေတယ်လို့လည်း သိရပါတယ်။ ဒါအပြင် အသေးစားနှင့် အလတ်စားစီးပွားရေးလုပ်ငန်းရှင်များအတွက် ငွေကြေးအရင်းအနှီး၊ နည်းပညာ၊ ဈေးကွက်ချိတ်ဆက်မှု စတဲ့လိုအပ်ချက်တွေကိုဖြည့်ဆည်းပေးနိုင်ဖို့အတွက် မူဝါဒပိုင်း ခိုင်မာစွာတည်ဆောက် နိုင်ဖို့ကိုလည်း လိုအပ်နေတာလို့ ဆွေးနွေးချက်တွေအရသိရပါတယ်။အခုလိုဆွေးနွေးပွဲတွေကိုတော့ စက်မှုကြီးကြပ်ရေးနှင့် စစ်ဆေးရေးဦးစီးဌာန၊အသေးစားနှင့် အလတ်စားလုပ်ငန်းများ ဖွံ့ဖြိုးရေးဌာနနဲ့ ဂျာမနီနိုင်ငံ GIZ အဖွဲ့တို့ ပူးပေါင်းပြီး SME များဖွံ့ဖြိုးတိုးတက်ဖို့အတွက် အခုလိုဆွေးနွေးပွဲတွေကို ကျင်းပတာဖြစ်တယ်လို့ သိရပါတယ်။

 

 

Related News