မြန်မာနိုင်ငံရဲ့ ကုန်သွယ်မှုပမာဏ ပြီးခဲ့တဲ့ (၂၀၀၉-၂၀၁၀)ဘဏ္ဍာနှစ်မှာ ၁၀ ဘီလီယံအထိရှိခဲ့ပြီး၊ (၂၀၁၅-၂၀၁၆)ဘဏ္ဍာနှစ်မှာတော့ ၂၇ ဘီလီယံအထိမြင့်တက်ခဲ့တယ်လို့သိရပါတယ်။(၂၀၁၇-၂၀၁၈) ဘဏ္ဍာနှစ်မှာတော့ နိုင်ငံတကာဈေးကွက်ကို တင်ပို့နေတဲ့ ပို့ကုန်တန်ဖိုးနဲ့ သွင်းကုန်ပမာဏက ပြီးခဲ့တဲ့ ဘဏ္ဍာနှစ်ထက် ၃၃ ဘီလီယံအထိ မြင့်တက်လာတာဖြစ်တယ်လို့ စီးပွားရေးနှင့်ကူးသန်းရောင်းဝယ်ရေး ၀န်ကြီးဌာနက သိရပါတယ်။

မြန်မာနိုင်ငံက ဆန်စပါး၊ မြေပဲဆံ၊ ငါးမျိုးစုံ၊ အာလူး၊ နှမ်း စတဲ့ စားသောက်ကုန်ပစ္စည်း၊ အထည်ချုပ် ဆိုင်ရာ အ၀တ်အထည်တွေနဲ့ ပြည်တွင်းမှထုတ်လုပ်တဲ့ အလှကုန်ပစ္စည်းတွေကို နိုင်ငံတကာဈေးကွက်ကို နှစ်စဉ် တင်ပို့နေတာဖြစ်ပြီး၊ အများဆုံးတင်ပို့ရတဲ့ ပို့ကုန်တွေကတော့ ဆန်စပါးနဲ့ အထည်ချုပ်ဆိုင်ရာ အ၀တ်အထည်တွေဖြစ်တယ်လို့ သိရပါတယ်။

အခုလို ကုန်သွယ်မှုပိုမိုမြင့်တက်လာတာဟာ ကုန်သွယ်မှုဖြေလျော့လာတဲ့အခြေအနေတွေကြောင့်ဖြစ်ပြီး၊ မြန်မာနိုင်ငံမှ ယခင်ကတင်ပို့ခွင့်ပိတ်ပင်ထားတဲ့ နှမ်းနီ၊ နှမ်းညို၊ နှမ်းနက်၊ ကြက်သွန်နီစတဲ့ စားသောက်ကုန်တွေ၊ ကျွဲ၊ နွား၊ သိုး၊ ဆိတ် စတဲ့မွေးမြူရေးတိရစ္ဆာန်တွေအပြင် မြန်မာနိုင်ငံရဲ့ တွင်းထွက်ပစ္စည်းဖြစ်တဲ့ ရွှေ ကိုပါ နိုင်ငံတကာဈေးကွက်ကိုတင်သွင်းခွင့်ပြုခဲ့တာကြောင့် ကုန်သွယ်မှုပမာဏ မြင့်တက်လာတာဖြစ်တယ်လို့ စီးပွားရေးနှင့်ကူးသန်းရောင်းဝယ်ရေး ၀န်ကြီးဌာန ကသိရပါတယ်။

 

 

Related News