မြန်မာနိုင်ငံရဲ့ အသေးစား၊ အလတ်စားလုပ်ငန်းတွေ ဖွံ့ဖြိုးတိုးတက်ဖို့အတွက် မြန်မာနိုင်ငံစွန့်ဦးတီထွင် လုပ်ငန်းရှင်များ အသင်းနဲ့ အမေရိကန်က လုပ်ငန်းရှင်တွေပူးပေါင်းပြီး တွေ့ဆုံဆွေးနွေးမှုကို အောက်တိုဘာ(၄)ရက်ကနေ(၅)ရက်အထိ ရန်ကုန်မြို့ Novotal Hotel မှာ ပြုလုပ်နေပါတယ်။

ဒီဆွေးနွေးပွဲကို နိုင်ငံတကာဈေးကွက်မှာ အသေးစား၊ အလတ်စားလုပ်ငန်းတွေ ပိုမိုဖွံ့ဖြိုးတိုးတက်အောင်၊ မြန်မာနိုင်ငံကလုပ်ငန်းတွေရဲ့ ထုတ်ကုန်ပစ္စည်းတွေကို ပြည်ပနိုင်ငံတွေကိုအရည်သွေးပြည့်မီစွာ တင်ပို့နိုင်အောင် ရည်ရွယ်ပြုလုပ်တာဖြစ်တယ်လို့သိရပါတယ်။  မြန်မာနိုင်ငံမှာရှိတဲ့စီးပွားရေးလုပ်ငန်းရှင်တွေ၊ အစိုးရကတာဝန်ရှိပုဂ္ဂိုလ်တွေကို အမေရိကန်နိုင်ငံကို ဖိတ်ခေါ်ပြီး တော့ အမေရိကန်နိုင်ငံမှာ သုံးစွဲနေတဲ့ ကုန်သွယ်မှုပေါ်လစီတွေကို မြန်မာနိုင်ငံက လုပ်ငန်းရှင်တွေသိရှိအောင် ရှင်းပြတာဖြစ်တယ်လို့ သိရပါတယ်။ ဆွေးနွေးပွဲမှာ ယနေ့ခေတ်မှာဖြစ်ပေါ်နေတဲ့ ပြည်တွင်းဈေးကွက်တစ်ခုတင်မဟုတ်ပဲ နိုင်ငံတကာကို ပိုမိုတိုးချဲ့ပြီး လက်လှမ်းမှီအောင် စတာတွေကို ထည့်သွင်းဆွေးနွေးသွားခဲ့ပါတယ်။ အမေရိကန်နိုင်ငံက လုပ်ငန်းရှင်တွေအနေနဲ့လည်း အခုလို မြန်မာနိုင်ငံရဲ့ အသေးစားအလတ်စားလုပ်ငန်းတွေရှင်တွေနဲ့ တွေ့ဆုံတာဟာ ပထမဆုံးအကြိမ်ဖြစ်တယ်လို့ သိရပါတယ်။

မြန်မာနိုင်ငံငံရဲ့ စီးပွားရေးကဏ္ဍမှာ SME လုပ်ငန်းတွေက အရေးပါတဲ့ လုပ်ငန်းတွေဖြစ်ပြီး ပိုမိုဖွံ့ဖြိုးတိုးတက်ဖို့အတွက် လက်ရှိမှာ လိုအပ်မှုတွေရှိနေသေးတယ်လို့ ဆွေးနွေးပွဲမှာ ပါဝင်တဲ့ မြန်မာနိုင်ငံစွန့်ဦးတီထွင်လုပ်ငန်းရှင်များအသင်းက တာဝန်ရှိသူကဆွေးနွေးပွဲမှာ  ပြောကြားခဲ့ပါတယ်။

 

 

Related News