မြန်မာနိုင်ငံက  IT ပညာရပ်ကို လေ့လာသင်ကြားထားတဲ့ ကျောင်းသား၊ကျောင်းသူတွေကို ဂျပန်နိုင်ငံအခြေစိုက် ကုမ္ပဏီများကအလုပ်ခေါ်ယူသွားမယ်လို့ အောက်တိုဘာလ(၇)ရက်က ရန်ကုန်မြို့Gandama Ball Room မှာ ပြုလုပ်တဲ့ Japan IT System Development Companies Job Fair (2018) မှ သိရပါတယ်။ ခိုင်ကညာသွယ်က တင်ဆက် ပေးသွားမှာပါ။Japan IT System Development Companies Job Fair (2018) မှာ မြန်မာနိုင်ငံက IT ပညာရပ်ကိုလေ့လာသင်ကြားထားတဲ့ ကျောင်းသား၊ကျောင်းသူတွေကို ဂျပန်နိုင်ငံအခြေစိုက်ကုမ္ပဏီ (၁၅)ခုက အလုပ်ခေါ်ယူသွားမှာဖြစ်ပြီး လာရောက်လျှောက်ထားသူ (၁၀၀၀)ခန့်ထိရှိခဲ့တယ်လို့သိရပါတယ်။ လာရောက်လျှောက်ထားသူတွေထဲမှ (၂၀၀)ခန့်က်ို ရွေးချယ်ခေါ်ယူသွားမှာဖြစ်တယ်လို့ သိရပါတယ်။

ရွေးချယ်ခံရသူတွေကို ဂျပန်စကားကိုအခမဲ့သင်ကြားပေးတာ၊ ဂျပန်စာအရည်အချင်းစစ်စာမေးပွဲတွေဖြေဆိုဖို့စီစဉ်ပေးတာ၊ IT သင်တန်းများတက်ရောက်ခွင့်ပေးတာ စတာတွေကို စီစဉ်ပေးမှာဖြစ်ပြီး လုံလောက်တဲ့ ဂျပန်ဘာသာစကားအရည်အချင်းပြည့်ဝရင် ဂျပန်နိုင်ငံမှာ အလုပ်လုပ်ကိုင်ခွင့်ရရှိမှာဖြစ်ပြီး လက်ရှိလည်ပတ်နေတဲ့ Project များနှင့်တကွ အသစ်ထပ်မံလုပ်ဆောင်မယ့် လုပ်ဆောင်ချက်တွေမှာ ပါဝင်ခွင့်ရရှိမှာ ဖြစ်တယ်လို့ သိရပါတယ်။ရွေးချယ်ခံရသူတွေကို ဂျပန်နိုင်ငံကိုသွားရောက်အလုပ်လုပ်ကိုင်နိုင်ဖို့ လေယာဉ်လက်မှတ်၊နေထိုင်စရာ အဆောင်၊ခရီးစရိတ်နဲ့ ကျန်းမာရေး အာမခံချက်တွေကို ကုမ္ပဏီက စီစဉ်ပေးသွားမှာလို့သိရပါတယ်။ ဂျပန်နိုင်ငံက အလုပ်အကိုင်အခွင့်အလမ်းတွေအတွက် အခုလို Job Fairကို (၇)ကြိမ်မြောက်အဖြစ် ကျင်းပတာဖြစ်တယ်လို့သိရပါတယ်။

 

 

Related News