စားသုံးသူတွေအတွက် လုံလောက်မှုရှိစေဖို့ အပါအ၀င် ပြည်ပတင်ပို့နိုင်ဖို့ ရန်ကုန်တိုင်းဒေသကြီးအတွင်း လက်ရှိမွေးမြူထားတဲ့ တိရစ္ဆာန်အကောင်ရေ သိန်း(၅၅၀)နီးပါးတယ်လို့ ရန်ကုန်တိုင်းဒေသကြီးအစိုးရအဖွဲ့က ပြောပါတယ်။ရန်ကုန်တိုင်းဒေသကြီးအတွင်း ကျွဲ၊ နွား၊ ဆိတ်၊ ကြက်၊ ၀က် အကောင်ရေမွေးမြူထားရှိမှုနဲ့ အသားထုတ်လုပ်မှုအခြေအနေ၊ ပြည်ပကို ကျွဲ၊ နွားအရှင်တင်ပို့မှု အခြေအနေတွေကို မရမ်းကုန်းမြို့နယ် တိုင်းဒေသကြီးလွှတ်တော်ကိုယ်စားလှယ် ဦးရန်ရှင်းက အောက်တိုဘာ(၉)ရက်ကပြုလုပ်တဲ့ တိုင်းဒေသကြီးလွှတ်တော်အစည်းအဝေးမှာ မေးမြန်းခဲ့တာပါ။ ပြည်တွင်းမှာ အသားဈေးကျဆင်းဖို့၊ပိုမိုထုတ်လုပ်နိုင်ဖို့ အပါအ၀င် မွေးမြူရေးဇုန်ဖွံ့ဖြိုးရေးအတွက် အားပေးကူညီဆောင်ရွက်ဖို့  လုပ်ဆောင်နိုင်ဖို့မေးမြန်းခဲ့တာလည်းဖြစ်ပါတယ်။

ရန်ကုန်တိုင်းဒေသကြီးအတွင်း မွေးမြူရေးအသိပညာအတတ်ပညာတွေကို အသိပညာပေးတာ၊ ပြည်ပတင်ပို့တာတွေကြောင့် လျော့နည်းသွားတဲ့ ကျွဲနွားအကောင်ရေတွေကို ပြန်လည်ဖြည့်တင်းပေးနိုင်ဖို့ဆောင်ရွက်နေသလို ၀င်ငွေရရှိအောင်လည်း ကုန်ချောထွက်ဖို့ဆောင်ရွက်နေတယ်လို့ ရန်ကုန်တိုင်းဒေသကြီးအစိုးရအဖွဲ့ စိုက်ပျိုးရေး၊မွေးမြူရေး၊သစ်တောနှင့်စွမ်းအင်ဝန်ကြီး ဦးဟံထွန်းက ပြောပါတယ်။ တိုင်းဒေသကြီးတစ်ခုလုံးမှာ လက်ရှိမွေးမြူထားတဲ့ တိရစ္ဆာန်အကောင်ရေတွေအနေနဲ့ ကျွဲအကောင်ရေ (၁သိန်း၇သောင်း)ကျော်၊နွား(၇)သိန်းကျော်၊ဆိတ်(၁သိန်း၃သောင်း)ကျော်၊ ၀က်(၁၄၀၀၀၀၀)(၁၄သိန်း)ကျော်၊ကြက်အကောင်ရေသိန်း(၄၈၀)ကျော်၊ ဘဲကောင်ရေ (၄၁)သိန်းကျော်ရှိပြီး စုစုပေါင်း အကောင်ရေ သိန်း(၅၅၀)နီးပါးမွေးမြူထားတယ်လို့လည်းပြောပါတယ်။

ရန်ကုန်တိုင်းဒေသကြီးရဲ့ ပြည်ပတင်ပို့မှုတွေအနေနဲ့ တင်ပို့မှုခွင့်ပြုချိန်ကစပြီး   ၂၀၁၈ စက်တင်ဘာ (၃၀)ရက်ထိ ပြည်ပကို ဆိတ်တင်ပို့မှုမရှိခဲ့ဘဲ  နွားအကောင်ရေ(၅၀၀၀)နီးပါး၊ကျွဲအကောင်ရေက(၂၃၀၀)ကျော်ကို တင်ပို့ခဲ့တယ်လို့သိရပါတယ်။ လက်ရှိမှာ ပြည်တွင်းစားသုံးမှုကိုမထိခိုက်စေဘဲ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရဲ့ ၂၀၁၇ခုနှစ် အောက်တိုဘာ(၁)ရက်က အမိန့်ကြော်ငြာစာအရ ကျွဲ၊နွားအရှင်တွေကို ပြည်ပကို တရားဝင်တင်ပို့ခွင့်ပြုခဲ့ရာမှာ စမ်းသပ်ကာလတစ်နှစ်အနေနဲ့လုပ်ဆောင်နေပါတယ်။ တည်ဆဲ တိရစ္ဆာန်ကျန်းမာရေးနှင့်ဖွံ့ဖြိုးရေးဥပဒေနဲ့ ပြည်ပကိုကျွဲနွားတင်ပို့ဖို့အတွက် ရေးဆွဲထားတဲ့ လုပ်ထုံးလုပ်နည်းစည်းကမ်းတွေအတိုင်းဆောင်ရွက်နေပြီး တစ်နှစ်ကျော်လွန်လာရင် လုပ်ငန်းအခြေအနေပေါ်မူတည်ပြီးတော့ လုပ်ထုံးလုပ်နည်းတွေပြောင်းလဲပြင်ဆင်သွားမယ်လို့သိရပါတယ်။ 

 

 

Related News