မန္တလေးတိုင်းဒေသကြီးအတွင်းနိုင်ငံခြားရင်းနှီးမြှုပ်နှံမှု(၆၇)ခုနဲ့နိုင်ငံသားရင်းနှီးမြှုပ်နှံမှု(၁၅၈)ခုရင်းနှီးမြှုပ်နှံထားတယ်လို့ နိုဝင်ဘာလ(၉)ရက်က မန္တလေးမြို့ ကွန်ှဗင်းရှင်းစင်တာမှာပြုလုပ်တဲ့ မန္တလေးစီးပွားရေးဖိုရမ်ဖွင့်ပွဲမှာ မန္တလေးတိုင်းဒေသကြီး ဝန်ကြီးချုပ်ကပြောကြားခဲ့တာပါ။ မြန်မာနိုင်ငံရင်းနှီးမြှုပ်နှံမှုဥပဒေက(၂၀၁၇)ခုနှစ်ဧပြီလ၁ရက်ကစတင်သက်ဝင်ခဲ့တယ်လို့သိရပါတယ်။ တိုင်းဒေသကြီးနဲ့ ပြည်နယ်အသီးသီးမှာ ရင်းနှီးမြှုပ်နှံမှုကော်မတီတွေ ဖွဲ့စည်းပြီး ရင်းနှီးမြှုပ်နှံမှုမြှင့်တင်ဖို့ဆောင်ရွက်နေတဲ့အချိန်ကာလဖြစ်ပါတယ်။ မန္တလေးတိုင်းဒေသကြီးရင်းနှီးမြှုပ်နှံမှုကော်မတီကို အဖွဲ့ဝင်(၇)ဦးနဲ့ ဖွဲ့စည်းဆောင်ရွက်နေပါတယ်။

လက်ရှိမန္တလေးတိုင်းဒေသကြီးအတွင်းမှာ နိုင်ငံ(၁၆)နိုင်ငံက လုပ်ငန်း(၆၇)ခု၊ အမေရိကန်ဒေါ်လာ၃.၄၀ဘီလီယံရင်းနှီးမြှုပ်နှံနေပြီး နိုင်ငံသားရင်းနှီးမြှုပ်နှံမှု(၁၅၈)ခုမှာ ငွေကျပ်၎.၈ ထရီလီယံ ရင်းနှီးမြှုပ်နှံ ဆောင်ရွက် နေတယ်လို့ သိရပါတယ်။ မန္တလေးတိုင်းဒေသကြီး ရင်းနှီးမြှုပ်နှံမှုကော်မတီအနေနဲ့ ဥပဒေလုပ်ထုံးလုပ်နည်းနဲ့ အချက်အလက်ပြည့်စုံညီညွှတ်ရင်ကော်မတီက တစ်ခါတည်းခွင့်ပြုဆောင်ရွက်နေပေးတယ်လို့ ဝန်ကြီးချုပ်ကပြောပါတယ်။ မန္တလေးမြို့မှာ ရင်းနှီးမြှုပ်နှံမှုအတွက်ပတ်ဝန်းကျင်ကောင်း၊ အခွင့်အရေးကောင်းတွေရှိနေပါတယ်။ စီးပွားရေးရှုထောင့်အရ ရန်ကုန်ပြီးရင်း မန္တလေးကဒုတိယအချက်အခြာဖြစ်ပါတယ်။ မန္တလေးဟာမြန်မာနိုင်ငံရဲ့အလယ်၊ အင် အားကြီးမားတဲ့ တရုတ်နဲ့အိန္ဒိယကြားမှာရှိနေတဲ့ ဗဟိုချက်မဖြစ်ပြီး အာဆီယံအမြန်လမ်းမနဲ့ ဆက်သွယ်တွေမှုရှိပါတယ်။

မန္တလေးမြို့ကိုကုန်းကြောင်း၊ ရေကြောင်း၊ လေကြောင်းနဲ့ဆက်သွယ်လို့ရနေပြီး အနာဂတ်ကာလမှာကုန်စည်ပို့ဆောင်ရေးရဲ့ ဗဟိုချက်မဖြစ်လာနိုင်ကာ စီးပွားရေးစင်္ကြန်မှာ ခြေကုပ်ယူဖို့လိုတယ်ဝန်ကြီးချုပ်ကပြောပါတယ်။ မန္တလေးတိုင်းဒေသကြီးမှာမြို့သာစက်မှုစီမံကိန်း၊ SME၊MSMEကဏ္ဍ၊ စိုက်ပျိုးရေးကဏ္ဍ၊ စီးပွားရေး၊ ကုန်သွယ်ရေး၊ ခရီးသွားလာမှုကဏ္ဍတွေအတွက်အခွင့်အလမ်းကောင်းတွေရှိနေတယ်လို့ပြောပါတယ်။ ရင်းနှီးမြှုပ်နှံသူတွေကို ဥပဒေဘောင်အတွင်းအကူအညီပေးသွားမှာဖြစ်ပြီး မြန်မာနိုင်ငံစီးပွားရေးဒုတိယအင်ဂျင်ဖြစ်အောင်ဆောင်ရွက်ဖို့ကိုလည်းဝန်ကြီးချုပ်ကမန္တလေးစီးပွားရေးဖိုရမ်မှာတိုက်တွန်းပြောကြားခဲ့ပါတယ်။

 

 

Related News