အိတ်အလှဒီဇိုင်းလက်ရာများကို ကိုယ်တိုင်လက်နဲ့ချုပ်လုပ်ဖန်တီးတဲ့ ဟန်းမိတ်အိတ်ချုပ်လုပ်သူတို့အတွက် အဓိကအခက်အခဲမှာ ကုန်ကြမ်းပစ္စည်း ရှားပါးမှုဖြစ်တယ်လို့သိရပါတယ်။ဒေါ်နီလာဟာဟန်းမိတ်အိတ်ချုပ်လုပ်တာကိုဝါသနာပါသူတစ်ဦးပါ။သူဟာ(၂၀၁၀)ခုနှစ်ကတည်းက ဟန်းမိတ်အိတ်တွေကိုချုပ်လုပ်ခဲ့တာဖြစ်ပြီး ဟန်းမိတ်အိတ်တွေကိုချုပ်ပြီးလက်ဆောင်ပေးတာတွေ ဆိုရှယ်မီဒီယာကတဆင့် ကြော်ငြာတာတွေပြုလုပ်ပြီး ဟန်းမိတ်အိတ်တွေကို လူသိလာအောင်ပြုလုပ်ခဲ့ရပါတယ်။အရင်ကဟန်းမိတ်ဆိုတာကို လူတွေသိရှိမှုအားနည်းခဲ့တဲ့အတွက် ချုပ်လုပ်ရောင်းချရာမှာအခက်အခဲတွေရှိခဲ့ပြီး အခုအချိန်မှာတော့ ဟန်းမိတ်ဆိုတာကိုသိရှိပြီး ဟန်းမိတ်ပစ္စည်းတွေကို တန်ဖိုးထားပြီးအားပေးမှုများလာတယ်လို့ သိရပါတယ်။

ဒါပေမယ့်ခုချိန်ထိ ဟန်းမိတ်ချုပ်လုပ်သူတို့ အဓိကကြုံတွေ့နေရတာကတော့ ကုန်ကြမ်းပစ္စည်းရှားပါးမှုဖြစ်တယ်လို့ဟနိ်းမိတ်အိတ်ချုပ်လုပ်သူဒေါ်နီလာကပြောပါတယ်။ဟန်းမိတ်အိတ်ချုပ်လုပ်ရာမှာ ပြည်တွင်းက ကချင်ဆင်၊ချင်းဆင်စတဲ့အထည်တွေကို သိမ်ကြီးဈေးကနေ ၀ယ်ယူရပြီး ရိုးရာအိတ်တွေချုပ်လုပ်ရတယ်လို့ သိရပါတယ်။ ပွဲတက်အ်ိတ်အလှဒီဇိုင်းမှာထည့်သွင်းချုပ်လုပ်ရတဲ့ ဖဲပန်း၊ဖဲကြိုးတွေကိုတော့ တရုတ်ကနေမှာယူရပြီး လိုသလိုပန်းချီဆွဲတာတွေ၊ အရုပ်တန်ဆာဆင်တာတွေ ပြုလုပ်ရပါတယ်။ဟန်းမိတ်အိတ်တစ်လုးံချုပ်လုပ်ရာမှာ ရိုးရာအိတ်တွေဆို (၃)ရက်ခန့်သာကြာမြင်ပေမယ့် ပွဲတက်အိတ်တွေဆို တစ်ပတ်ခန့်အထိကြာမြင့်တယ်လို့ သိရပါတယ်။

ဟန်းမိတ်အိတ်ချုပ်လုပ်ရာမှာ တစ်ချို့ကလည်း ဒီဇိုင်းပုံစံပြပြီးမှာယူတာတွေရှိသလို ကိုယ်တိုင်ဒီဇိုင်းထွင်ပြီးချုပ်ပေးရတာတွေရှိတယ်လို့ သိရပါတယ်။အဲဒါကြောင့်သေသပ်လှပအောင် ချုပ်လုပ်ပေးရတယ်လို့ ဟန်းမိတ်အိတ်ချုပ်သူ မ၀င်းသန္တာအောင်ကပြောပါတယ်။လက်ရှိဈေးကွက်အတွင်း ဟန်းမိတ်အိတ်တွေကိုပြည်တွင်းကသာမကပဲ ပြည်ပနိုင်ငံဖြစ်တဲ့ ထိုင်းနိုင်ငံကအမြတ်တနိုးတန်ဖိုးထားပြီး ၀ယ်ယူမှုတွေရှိနေပါတယ်။ အခုအချိန်မှာတော့ ဟန်းမိတ်အိတ်တွေကို လက်ဆောင်ပေးဖို့အတွက် ၀ယ်ယူအားပေးမှုတွေရှိနေပြီး  ဈေးနှုန်းတွေအနေနဲ့ ဟန်းမိတ်အိတ်တစ်လုံးကိုငွေကျပ်သုးံထောင်ကနေသုးံသောင်းခွဲအထိဈေးရှိတယ်လို့သိရပါတယ်။အိမ်နီးချင်းနိုင်ငံဖြစ်တဲ့ထိုင်းနိုင်ငံမှာ ဟန်းမိတ်သီးသန့်ရောင်းချတဲ့ဈေးတန်းတွေရှိပြီး မြန်မာနိုင်ငံမှာလည်း အဲဒီလိုဈေးတန်းတစ်ခုရှိမယ်ဆိုရင် ပြည်တွင်းကဟန်းမိတ်အိတ်တွေ အခုထက်ပိုပြီးတွင်ကျယ်လာမြှာ ဖစ်တယ်လို့သိရပါတယ်။

 

 

Related News