နိုင်ငံတော်သမ္မတထံမှပေးပို့ထားသော ရန်ကုန်တိုင်းဒေသကြီးအတွင်း စီမံကိန်းလုပ်ငန်းများဆောင်ရွက်ရန်အတွက် ပြင်သစ်ဖွံ့ဖြိုးတိုးတက်ရေး အေဂျင်စီထံမှ ချေးငွေ ယူရို သန်း ၇၀ ရယူရေးကို လတ်တလောဆိုင်းငံ့ ထားသင့်ကြောင်း ပြည်သူ့ငွေစာရင်းပူးပေါင်းကော်မတီက သဘောထားမှတ်ချက်ပြုခဲ့တယ်လို့သိရပါတယ်။

ရန်ကုန်တိုင်းဒေသကြီးအတွင်းစီမံကိန်းများဆောင်ရွက်ရန် အတွက် ပြင်သစ်ဖွံ့ဖြိုးတိုးတက်ရေး အေဂျင်စီထံမှ ချေးငွေ ယူရို သန်း၇၀ရယူရေးကိစ္စနှင့် စပ်လျဉ်ပြီး ပြည်ထောင်စုလွှတ်တော် ပြည်သူ့ ငွေစာရင်းပူးပေါင်းကော်မတီရဲ့ လေ့လာတွေ့ရှိချက်နှင့် သဘောထားမှတ်ချက်အစီရင်ခံစာကို ဒီဇင်ဘာလ ၁၀ရက် ကပြုလုပ်ခဲ့တဲ့ ဒုတိယအကြိမ် ပြည်ထောင်စုလွှတ်တော် ဒသမပုံမှန်အစည်းအဝေးမှာ ဇလွန်မဲဆန္ဒနယ် က ပြည်သူ့လွှတ်တော်ကိုယ်စားလှယ် ဦးအောင်မင်းကဖတ်ကြားခဲ့တာပါ။ ပြည်သူ့ငွေစာရင်းပူးပေါင်း ကော်မတီရဲ့ လေ့လာတွေ့ရှိချက်နှင့်သဘောထားမှတ်ချက်အစီရင်ခံစာထဲမှာ ချေးငွေနဲ့စပ်လျဉ်းပြီး အဓိက အကျဆုံး လိုအပ်ချက်(၂)ရပ်ကိုတွေ့ရှိခဲ့တယ်လို့ ဆိုပါတယ်။

ပြင်သစ်ဖွံ့ဖြိုးတိုးတက်ရေး အေဂျင်စီ(AFD)ထံမှ ချေးငွေယူရို သန်း၇၀ကို ရန်ကုန်တိုင်းဒေသကြီး အတွင်းအကောင်အထည်ဖော်ဆောင်ရွက်မည့် သယ်ယူပို့ဆောင်ရေး မြစ်ကမ်းပါးတစ်လျှောက် ဖွံ့ဖြိုးရေးနှင့် မြို့ပြယဉ်ကျေးမှု အမွေအနှစ်များ ထိန်းသိမ်းစောင့်ရှောက်ရေးမဟာဗျုဟာစီမံကိန်း အတွက်အသုံးပြုသွား မယ်လို့ သိရပါတယ်။ ပြည်သူ့ ငွေစာရင်းပူးပေါင်း ကော်မတီရဲ့ လေ့လာတွေ့ရှိမှုတွေအရ ချေးငွေရယူရေးကို အလျင်အမြန်ဆောင်ရွက်ရန်မသင့်ဘဲ လတ်တလောအခြေအနေမှာ ဆိုင်းငံ့ထားသင့်ကြောင်း ပြည်ထောင်စုလွှတ်တော်ကို ဖတ်ကြားတင်ပြခဲ့တာပါ။

ရန်ကုန်တိုင်းဒေသကြီးအတွင်းစီမံကိန်းလုပ်ငန်းများ ဆောင်ရွက်ရန်အတွက် ပြင်သစ်ဖွံ့ဖြိုးတိုးတက်ရေးအေဂျင်စီထံမှ ချေးငွေယူရိုသန်း၇၀ ရယူရေးကိစ္စနဲ့ စပ်လျဉ်းပြီး ပြည်ထောင်စုအဆင့် အဖွဲ့အစည်းဝင်က ပြည်ထောင်စုလွှတ်တော်မှာရှင်းလင်းတင်ပြခြင်းတွေကို နိုဝင်ဘာလ ၁၂ရက်က ပြုလုပ်ခဲ့ပြီး နိုဝင်ဘာလ ၁၉ရက် ကပြုလုပ်ခဲ့တဲ့ ဒုတိယအကြိမ် ပြည်ထောင်စုလွှတ်တော် ဒသမပုံမှန်အစည်း အဝေးမှာတော့ လွှတ်တော်ကိုယ်စားလှယ် (၉)ဦးကဆွေးနွေးမှုတွေပြုလုပ်ခဲ့တာဖြစ်ပါတယ်။

 

 

Related News