မန္တလေးမြို့မှာ နိုင်ငံခြားခရီးသွားမြင့်တင်ဖို့အတွက် ဟိုတယ်လုပ်ငန်းဆိုင်ရာဆွေးနွေးပွဲကို ဒီဇင်ဘာလ (၂၆) ရက်က မန္တလေးမြို့ အောင်မြင်ခြင်းဟိုတယ်မှာ ပြုလုပ်ခဲ့ပါတယ်။ ယခုပြုလုပ်တဲ့ဆွေးနွေးပွဲကို မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(မန္တလေးဇုန်)က ဦးဆောင်ကျင်းပတာဖြစ်ပြီး  အခုလို ဆွေးနွေးပွဲပြုလုပ်ရတာဟာ နိုင်ငံခြားခရီးသွားလုပ်ငန်းစနစ်တကျဖွံ့ဖြိုးတိုးတက်လာစေဖို့၊ ဟိုတယ်လုပ်ငန်းနဲ့သက်ဆိုင်တဲ့ ဟိုတယ်လုပ်ငန်းရှင်တွေ ဟိုတယ်ဝန်ထမ်းတွေအနေနဲ့ ကောင်းမွန်တဲ့စီမံခန့်ခွဲမှုတွေကို လုပ်ငန်းခွင်မှာ အသုံးချနိုင်ကာ ခရီးသွားလုပ်ငန်း ရေရှည်တည်တံ့ခိုင်မြဲစေဖို့ အတွက် ဖြစ်တယ်လို့ မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(မန္တလေးဇုန်) ဥက္ကဋ္ဌ ဦးမင်းနိုင်က ပြောပါတယ်။ အခုလို နိုင်ငံခြားခရီးသွားမြှင့်တင်စေဖို့အတွက် ဟိုတယ်လုပ်ငန်းဆိုင်ရာဆွေးနွေးပွဲကို Successfully Managing People at Workplace ခေါင်းစဉ်နဲ့ဆွေးနွေးခဲ့တာဖြစ်တယ်လို့ သိရပါတယ်။

အခုလိုဆွေးနွေးပွဲကို ဟိုတယ်လုပ်ငန်းနဲ့ သက်ဆိုင်တဲ့ ဟိုတယ်လုပ်ငန်းရှင်တွေ၊ မန်နေဂျာတွေနဲ့ ဟိုတယ်လုပ်ငန်းကိုစိတ်ဝင်စားသူတွေ တက်ရောက်ခဲ့ပြီး ဆွေးနွေးပွဲမှာ ဟိုတယ်လုပ်ငန်းဆိုင်ရာစီမံခန့်ခွဲမှုမှာ လိုအပ်တဲ့အခြေခံအချက်အလက်တွေ၊ လက်တွေ့လုပ်ငန်းခွင်မှာအသုံးချမယ့် နည်းစနစ်တွေနဲ့ အာဆီယံနိုင်ငံတွေမှာ ကျင့်သုံးနေတဲ့နည်းပညာတွေနဲ့အညီ ဧည့်သည်တွေကိုိုဝန်ဆောင်မှုပေးနိုင်မယ့် နည်းစနစ်တွေကို ဆွေးနွေးခဲ့တယ်လို့ သိရပါတယ်။မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း(မန္တလေးဇုန်)ကို (၂၀၀၂) ခုနှစ်က စတင်ဖွဲ့စည်းခဲ့တာဖြစ်ပြီး အခုလက်ရှိမှာလိုင်စင် ၀င်ထားတဲ့ဟိုတယ် (၂၃၀) ကျော်ရှိပြီး အသင်းဝင် (၂၀၀) ၀န်းကျင်ရှိတယ်လို့ သိရပါတယ်။

 

 

Related News