ဆန်သစ်တွေနယ်စုံဝင်လာတာကြောင့် ဆန်ဈေးအနည်းငယ်ပြန်ကျနေပေမယ့်အရောင်းအ၀ယ်အေးနေတယ်လို့ ရန်ကုန်မြို့ဝါးတန်းလမ်းဆန်ကုန်စည်ဒိုင်မှ သိရပါတယ်။ဆန်အသစ်တွေဈေးကျလာတာကတော့ နယ်စုံမှဆန်အသစ်တွေအ၀င်များလာတဲ့အပြင် ဆန်အသစ်ကအစိုဓါတ်ရှိ နေပြီးအထားမခံသေးတာတာတွေကြောင့်ဖြစ်တယ်လို့သိရပါတယ်။ယခုနှစ်ဆန်းမှာ ဆန်ဈေးကျလာပေမယ့်ယခင်(၂၀၁၈)ခုနှစ်အစ ဆန်အဖွင့်ဈေးထက်တော့ မနည်းဘူးလို့မြန်မာနိုင်ငံဆန်စပါးကုန်သည်များအသင်း ၀ါးတန်းလမ်းဆန်ကုန်စည်ဒိုင်မှ ဥက္ကဋ္ဌဦးခင်မောင်ဝင်းကပြောပါတယ်။

လက်ရှိမှာပေါ်ဆန်းအဟောင်းတစ်အိတ်ကိုပျမ်းမျှငွေကျပ်ခြောက်သောင်းဝန်းကျင်ရှိပြီးပေါ်ဆန်းသစ်တစ်အိတ်မှာကျပ်သုံး သောင်းခြောက်ထောင်မှငါးသောင်းထိရှိတယ်လို့သိရပါတယ်။ ဆန်အကြမ်းရက်(၉၀)အဟောင်းဈေးကတော့ ကျပ် သုံးသောင်းမှသုံးသောင်းတစ်ထောင်ထိရှိပြီး ဆန်အကြမ်းရက်(၉၀)အသစ်ဈေးမှာကျပ်နှစ်သောင်းနှစ်ထောင်မှ နှစ်သောင်းသုံးထောင်အထိရှိတယ်လို့သိရပါတယ်။အခုလို ဆန်သစ်ဈေးတွေကျနေရတာဟာ နယ်အစုံမှဆန်အသစ်တွေဝင်ရောက်လာတာကြောင့်ဖြစ်ပြီးဈေးကျနေတာကတော့(၂၀၁၈)ခုနှစ်ဒီဇင်ဘာလလယ်လောက်ကတည်းကဖြစ်တယ်လို့ ဆန်အကျိုးတော်ဆောင်တွေကပြောပါတယ်။ဆန်ဈေးတွေကတော့ဆန်အ၀င်ပုံမှန်ပြန်ဖြစ်ပြီးဆန်အသစ်တွေအစိုဓါတ်မရှိဘဲအခြောက်ညီလာရင်တော့ ဆန်အရောင်းအ၀ယ်ပြန်လည်ကောင်းလာမှာဖြစ်ပြီးဆန်ဈေးတွေကတော့ ထပ်ကျဖို့မရှိနိုင်တော့ဘူးလို့ဝါးတန်း လမ်းဆန်ကုန်စည်ဒိုင် ကသိရပါတယ်။

 

 

Related News