အူရီဒူးမြန်မာနဲ့ အသေးစားအလတ်စားလုပ်ငန်းများဖွံ့ဖြိုးတိုးတက်ရေးအတွက် ထောက်ပံ့ပေးနေတဲ့ SME Business Institute (SMEBi) တို့နားလည်မှုစာချွန်လွှာရေးထိုးကို ဖေဖော်ဝါရီလ( ၈)ရက်က ရန်ကုန်မြို့ မြန်မာပလာဇာမှာရှိတဲ့ အူရီဒူးရုံးချုပ် Town Hall ခန်းမမှာပြုလုပ်ခဲ့ပါတယ်။

အခုလို နားလည်မှုစာချွန်လွှာရေးထိုးတာက အသေးစားအလတ်စားလုပ်ငန်းတွေမှာ စွန့်ဦးတီထွင်မှုလုပ်ငန်းတွေအတွက် အထောက်အကူပြုနိုင်စေရန်ရည်ရွယ်ပြီး ရေးထိုးခဲ့တာဖြစ်တယ်လို့သိရပါတယ်။ နားလည်မှုစာချွန်လွှာအရ SME ကဏ္ဍဖွံ့ဖြိုးတိုးတက်လာတဲ့ ထုတ်ကုန်၊ ဆန်းသစ်တီထွင်မှုအပိုင်းတွေမှာ နည်းပညာအပိုင်းတွေကို ပံ့ပိုးပေးသွားမှာဖြစ်ပြီး စီးပွားရေးလုပ်ငန်းစဉ် စီမံအုပ်ချုပ်ဘာသာရပ်တွေကို ပညာရှင်တွေ နဲ့ သင်တန်းတွေပေးသွားမှာဖြစ်တယ်လို့သိရပါတယ်။

စက်မှုဝန်ကြီးဌာန၊ အသေးစားနှင့်အလတ်စားလုပ်ငန်းများဖွံ့ဖြိုးမှုဌာနရဲ့၂၀၁၇ ခုနှစ်စာရင်းတွေအရ ပြည်တွင်းမှာရှိတဲ့စီးပွားရေးလုပ်ငန်းတွေရဲ့ ခန့်မှန်းချေ (၉၀)ရာခိုင်နှုန်းက အသေးစားအလတ်စားလုပ်ငန်းတွေဘဲဖြစ်ပါတယ်။ အသေးစားအလတ်စားလုပ်ငန်းတွေ ဖွံ့ဖြိုးတိုးတက်လာစေဖို့အတွက် နည်းပညာအပိုင်းတွေ၊ စီမံခန့်ခွဲမှုအပိုင်းတွေနဲ့ပတ်သက်ပြီး အဓိကလိုအပ်ချက်ဖြစ်တဲ့အတွက် အခုလို သင်တန်းတွေ ပေးသွားမှာဖြစ်တယ်လို့သိရပါတယ်။

ခေါင်းဆောင်မှုစီမံခန့်ခွဲမှုအပိုင်းသင်တန်းကို ရန်ကုန်၊မန္တလေး၊ နေပြည်တော်၊ပဲခူး၊ မော်လမြိုင်၊စစ်ကိုင်းနဲ့ ကလေးမြို့နယ်တို့မှာ ဇန်န၀ါရီလမှ ဒီဇင်ဘာလအထိ သင်တန်းတွေ ပေးသွားဖို့ရှိတယ်လို့ သိရပါတယ်။ဒါ့အပြင် SME Business Institute မှ အသေးစားအလတ်စားနဲ့ပတ်သက်တဲ့ သင်တန်းကျောင်းတွေကိုလည်း ရန်ကုန်တိုင်းဒေသကြီးအပြင် တခြားတိုင်းဒေသကြီးတွေမှာပါ  ဖွင့်လှစ်ပေးသွားမှာဖြစ်တယ်လို့သိရပါတယ်။

 

 

Related News