မြန်မာနိုင်ငံမှာ လယ်ယာစိုက်ပျိုးရေးထွက်ကုန်တွေကို ရောင်းဝယ်လဲလှယ်နိုင်မယ့် (Agriculture Commodity Exchange) တစ်ခုပေါ်ပေါက်လာစေရန် အိန္ဒိယနိုင်ငံက ၄င်းတို့နိုင်ငံမှာ ဆောင်ရွက်နေတဲ့ပုံစံတွေ၊ နည်းပညာတွေနဲ့ အတွေ့အကြုံတွေကို ရှင်းလင်းတင်ပြဆွေးနွေးမှုတွေပြုလုပ်ခဲ့ပါတယ်။မြန်မာနိုင်ငံဟာလယ်ယာစိုက်ပျိုးရေးကိုအခြေခံပြီး လယ်ယာစိုက်ပျိုးရေးထွက်ကုန်တွေကို ပြည်တွင်းစားသုံးရန်အတွက်နဲ့ ပြည်ပတင်ရန်အတွက်ပါ ထုတ်လုပ်နေပါတယ်။ ဒီလိုထုတ်လုပ်ရာမှာ တောင်သူလယ်သမားတွေအတွက် ခိုင်မာသောဈေးကွက်တစ်ခုရရှိရေး၊ ဈေးနှုန်းကောင်းကောင်းရရှိရေးနှင့် အရောင်းအ၀ယ်စနစ်တွေ မှန်ကန်လာစေရေး အတွက်အပါအ၀င် ကြိုရောင်းကြိုဝယ်စနစ်တွေကို တရားဝင်စနစ်တကျလုပ်ကိုင်နိုင်စေရေးအတွက် Agriculture Commodity Exchangeတွေဟာ အရေးကြီးတယ်လို့ UMFCCI ဒုတိယဥက္ကဋ္ဌ ဦးရဲမင်းအောင်က ပြောပါတယ်။

မြန်မာနိုင်ငံမှာ လယ်ယာစိုက်ပျိုးရေးထွက်ကုန်တွေကို ရောင်းဝယ်လဲလှယ်နိုင်မယ့် (Agriculture Commodity Exchange) တစ်ခုပေါ်ပေါက်လာစေရန် အိန္ဒိယနိုင်ငံက ၄င်းတို့နိုင်ငံမှာ ဆောင်ရွက်နေတဲ့ပုံစံတွေ၊ နည်းပညာတွေနဲ့ အတွေ့အကြုံတွေကို ရှင်းလင်းတင်ပြဆွေးနွေးခြင်းနဲ့ စိုက်ပျိုးရေးပစ္စည်းများ အသုံးပြုမှုဆိုင်ရာ ဗဟုသုတမျှဝေခြင်း အခမ်းအနားကို ဖေဖော်ဝါရီလ(၁၉)ရက်က နေပြည်တော်မှာရှိတဲ့ PARK ROYAL ဟိုတယ်မှာ ပြုလုပ်ခဲ့ပါတယ်။ ပြည်တွင်းမှာ နိုင်ငံတကာအဆင့်မီ Agriculture Commodity Exchange တွေဖြစ်ပေါ်လာပါက လယ်ယာစိုက်ပျိုးရေးထွက်ကုန်တွေကို ရောင်းဝယ်တဲ့နေရာမှာ စနစ်တကျရှိလာပြီး ပျက်ကွက်တာမျိုးတွေကို ထိန်းချုပ်နိုင်မယ့် အကျိုးတွေရရှိလာနိုင်ပါတယ်။ ဒါ့အပြင် စိုက်ပျိုးထုတ်လုပ်သူ တောင်သူလယ်သမားတွေအတွက် ရှေ့ပြေးဈေးနှုန်းတွေကို သိရှိစေနိုင်ပြီး စိုက်ပျိုးရမယ့်သီးနှံများကို မှန်မှန်ကန်ကန်နဲ့ ရွေးချယ်စိုက်ပျိုးနိုင်ကာ တောင်သူတွေအနေနဲ့ ဈေးကောင်းမရရှိတာတွေကို ရှောင်လွှဲနိုင်စေမယ်လို့ မြန်မာနိုင်ငံ ပဲ၊နှမ်း ကုန်သည်များအသင်းမှ တွဲဖက်အတွင်းရေးမှူး ဦးသောင်းဟန်က ပြောပါတယ်။Agriculture Commodity Exchange တွေကို အိမ်နီးချင်းနိုင်ငံတွေနဲ့ အာဆီယံနိုင်ငံအချို့မှာ အသုံးပြုနေတယ်လို့သိရပါတယ်။

 

 

Related News