မြန်မာ့မီးရထားအနေနဲ့ တစ်နိုင်ငံလုံးမှာပြေးဆွဲပေးနေတဲ့ မီးရထားတွေထဲမှာ စီးပွားရေးတွက်ခြေမကိုက်တဲ့ ရထားခရီးစဉ် (၃၆)ခုကို ဖျက်သိမ်းခဲ့ ရတယ်လို့  မြန်မာ့မီးရထားမှ တာဝန်ရှိသူထံမှသိရပါတယ်။

မြန်မာ့မီးရထားအနေနဲ့ စီးပွားရေးတွက်ခြေမကိုက်တာကြောင့် ရထားခရီးစဉ်တစ်ချို့ကို  (၂၀၁၅)ခုနှစ်မှာ စတင်ဖျက်သိမ်းခဲ့ရတာ ဖြစ်ပြီး လက်ရှိ (၂၀၁၉) ခုနှစ်အထိ ရထားခရီးစဉ်လမ်းကြောင်း(၃၆)ခု ဖျက်သိမ်းခဲ့ရတယ်လို့သိရပါတယ်။ အခုလိုရထား ခရီးစဉ်တွေ ဖျက်သိမ်းခဲ့ရတာက တစ်ချို့ နေရာတွေမှာ ခရီးသည်စီးနင်းမှုများပြားလာတာကြောင့် စီးပွားရေးအရ တိုးချဲ့ခဲ့ရတာ တွေရှိခဲ့ပေမယ့် နောက်ပိုင်းမှာတော့ ခရီးသည်စီးနင်းမှု နည်းပါးလာတာကြောင့် ဖျက်သိမ်းခဲ့ရတာဖြစ်ပါတယ်။ စ်ချို့လမ်းပိုင်းတွေဟာ ရထားလမ်းပိုင်းတွေအပြင် ကားလမ်းပိုင်း၊ရေလမ်းကြောင်းတွေနဲ့ သွားလာရတာ တွင်ကျယ်လာတဲ့ အတွက် ရထားစီးနင်းမှုက လျော့ကျခဲ့တာဖြစ်တယ်လို့သိရပါတယ်။

ဖျက်သိမ်းခဲ့ရတဲ့ ရထားခရီးစဉ်တွေထဲမှာ မန္တလေး--မြစ်ကြီးနားခရီးစဉ် အထူးတန်းအိပ်စင်မှာ စီးပွားရေးအရ တိုးချဲခဲ့ပေမယ့် နောက်ပိုင်းမှာ ခရီးသည်စီးနင်းမှုနည်းပါးတဲ့အတွက် ဖျက်သိမ်းခဲ့ရသလို ဂန့်ဂေါ-ကလေး လမ်းပိုင်းမှာလည်း အရင်က ခရီးသည်စီးနင်းမှုများပေမယ့် နောက်ပိုင်းမှာ နည်းပါးလာတာကြောင့် ဖျက်သိမ်းခဲ့တာဖြစ်တယ်လို့သိရပါတယ်။ဒါ့အပြင် ဖျက်သိမ်းခဲ့ရတဲ့ရထားလမ်းပိုင်းတွေမှာ ခရီးတိုတွေ ထပ်မံပြေးဆွဲပေးသွားဖို့ရှိတယ်လို့သိရပါတယ်။

 (၂၀၁၅)ခုနှစ်မှ (၂၀၁၉)ခုနှစ်အထိ ရထားခရီးစဉ်တွေ ဖျက်သိမ်းမှုမှာ အမြန်ရထားခရီးစဉ်လမ်းကြောင်း(၁၈)ခု ၊စာပို့ရထားခရီးစဉ် လမ်းကြောင်း(၁၂) ခု၊လူစီးကုန်တင်ယာဉ်ရထားခရီးစဉ်လမ်းကြောင်း(၆)ခု ၊ခရီးတိုရထားခရီးစဉ်လမ်းကြောင်း(၈)ခု  စုစုပေါင်း (၃၆)ခုကိုဖျက်သိမ်းခဲ့ရတာဖြစ်ပါတယ်။

 

 

Related News