အားဖြည့်ဆန်ထုတ်လုပ်သူတွေလိုက်နာရမယ့် လုပ်ငန်းလမ်းညွှန်အား ကျန်းမာရေးနှင့်အားကစားဝန်ကြီးဌာန ပြည်ထောင်စု ၀န်ကြီးက အတည်ပြုပြီးဖြစ်တာကြောင့် အားဖြည့်ဆန်ထုတ်လုပ်သူများလိုက်နာရမည့်လုပ်ငန်းလမ်းညွှန် အားသက်ဆိုင်သူ များထံ အလုပ်ရုံဆွေးနွေးပွဲကို မတ်လ(၂)ရက်က Chatrium Hotel မှာ ပြုလုပ်ခဲ့ပါတယ်။ အားဖြည့်ဆန်ထုတ်လုပ်သူများလိုက်နာရမည့်လုပ်ငန်းလမ်းညွှန် အားသက်ဆိုင်သူများထံအလုပ်ရုံဆွေးနွေးပွဲကို ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေး တက်ရောက်အမှာစကား ပြောကြားခဲ့ပါတယ်။ အဆိုပါလုပ်ငန်းလမ်းညွှန်က စားသောက်ကုန်နဲ့အားဖြည့်ဆန်ထုတ်လုပ်မှုကဏ္ဍမှာပါဝင်လှုပ်ရှားနေတဲ့ ပုဂ္ဂလိကစီးပွားရေးလုပ်ငန်းရှင်များကို အဓိကရည်ရွယ်တာဖြစ်ပါတယ်။

အားဖြည့်ဆန်ထုတ်လုပ်မှုမှတ်ပုံတင်ခြင်း၊ အရည်အသွေးထိန်းချုပ်ခြင်း နဲ့ ပါဝင်ရမယ့် အဏုအာဟာရဓါတ်အချိုးအစား မှန်ကန်မှုရှိရေးတို့အတွက် ဒီလုပ်ငန်းလမ်းညွှန်က ကူညီပေးမှာဖြစ်တယ်လို့သိရပါတယ်။မြန်မာနိုင်ငံမှာ အာဟာရဌာနနဲ့ ဆန်တွင် အဏုအာဟာရ ဖြည့်စွက်ခြင်းလုပ်ငန်းအဖွဲ့တို့ရဲ့ ဆွေးနွေးဆုံးဖြတ်ချက်အရ အားဖြည့်ဆန်မှာ နေ့စဉ်မရှိမဖြစ်လိုအပ်တဲ့ အဏုအာဟာရဓါတ်(၈)မျိုးပါဝင်တယ်လို့သိရပါတယ်။ အားဖြည့်ဆန်ကို (၅)နှစ်စီမံကိန်းနဲ့ အကောင်အထည်ဖော်ဆောင်ရွက်ခဲ့တာဖြစ်ပြီး  အားဖြည့်ဆန်စီမံကိန်းဆောင်ရွက်ခဲ့စဉ်မှာလည်း အခက်အခဲတွေရှိခဲ့တယ်လို့ မြန်မာနိုင်ငံဆန်စက်လုပ်ငန်းရှင်များအသင်းက တာဝန်ရှိသူက အခုလိုပြောပါတယ်။

အဏုအာဟာရဓါတ်များ ဖြည့်စွက်ထားတဲ့ အားဖြည့်ဆန်က အဏုအာဟာရချို့တဲ့မှုနဲ့ အာဟာရချို့တဲ့မှုကို တိုက်ဖျက်ဖို့အတွက် နည်းလမ်းကောင်းတစ်ခု ဖြစ်တယ်လို့ သိရပါတယ်။ အာဟာရချို့တဲ့ခြင်းက မြန်မာနိုင်ငံမှာ အရေးတကြီးဖြေရှင်းပေးဖို့လိုအပ်နေတဲ့ ကျန်းမာရေးဆိုင်ရာပြဿနာတစ်ခုဖြစ်ပြီး ကလေး(၄)ဦးမှာ တစ်ဦးက အသက်အရွယ်တွင်ရှိရမယ့် အရပ်ထက်ပုလွန်းနေခြင်းနဲ့ (၄၀)ရာခိုင်နှုန်းသော အမျိုးသမီးထုဟာ သွေးအားနည်းရောဂါ ခံစားရခြင်းတို့ ကြုံတွေ့နေရတယ်လို့ သိရပါတယ်။ လုပ်ငန်းလမ်းညွှန်အား သက်ဆိုင်သူများထံ အသိပေးအလုပ်ရုံဆွေနွေးပွဲမှာ အစိုးရနဲ့ပုဂ္ဂလိက ကဏ္ဍမှ မိတ်ဖက်များကို ဖိတ်ကြားခဲ့ပြီး မြန်မာနိုင်ငံရှိ စားသောက်ကုန်ထုတ်လုပ်မှု၊ အာဟာရမြှင့်တင်ရေးနှင့် ပုဂ္ဂလိကကဏ္ဍမှ ပါဝင်ဆောင်ရွက်မှုတို့ အပေါ် ဘယ်လိုအကျိုးပြုနိုင်မည်ဖြစ်ကြောင်းဆွေးနွေးခဲ့ကြပါတယ်။

 

 

Related News