အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့မှ (၂၀၁၂)ခုနှစ် လူမှုဖူလုံရေးဥပဒေနှင့် အညီငွေလုံးငွေရင်း အကျိုးခံစားခွင့်ထုတ်ပေးခြင်းကို မတ်လ(၈)ရက်က လှိုင်သာယာမြို့နယ်ရှိ ရွှေလင်ပန်းစက်မှုဇုန်ရုံးခွဲမှာ ပြုလုပ်ခဲ့ပါတယ်။ အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊လူမှုဖူလုံရေးအဖွဲ့မှ အကျိုးခံစားခွင့်ပေးအပ်ခြင်းအပြင် အလုပ်သမားတွေနဲ့ပတ်သက်ပြီး ဥပဒေနှင့် အညီအလုပ်ခွင်မှာထိခိုက်မှုကြောင့်အာမခံစနစ် ပါအကျိုးခံစားခွင့်များ၊ အမြဲတမ်းမသန်စွမ်းမှုနှင့်ဆိုင်တဲ့အကျိုးခံစားခွင့်များ၊ မီးဖွားမှုစတဲ့အကျိုးခံစားခွင့်များ ကျန်းမာရေးနှင့်လူမှုရေးစောင့်ရှောက်မှုအစရှိတဲ့ ခံစားခွင့်(၁၅)မျိုးကိုလည်းရှင်းလင်းပြောပြခဲ့ပါတယ်။ ဒါ့အပြင်သက်ဆိုင်ရာမြို့နယ် လူမှုဖူလုံရေးရုံးတွေမှာ အကျုံးဝင်မှတ်ပုံတင်ထားတဲ့ အာမခံအလုပ်သမား (၄၈၆)ဦးကို ငွေကျပ်(၃၀၁)သိန်းကျော် ငွေလုံးငွေရင်းနဲ့အကျိုးခံစားခွင့်တွေပေးအပ်ခဲ့တာဖြစ်ပါတယ်။

အကျိုးခံစားခွင့်ပေးအပ်တဲ့အခမ်းအနားမှာ အာမခံအလုပ်သမားတစ်ဦး လုပ်ငန်းခွင်မှာထိခိုက်မှုကြောင့် သေဆုံးခြင်းအတွက် ကျန်ရစ်သူအကျိုးခံစားခွင့်ရရှိသူ(၃)ဦး၊ မကျန်းမာမှု၊ မီးဖွားမှု၊ မီးဖွားစရိတ်၊ ဖခင်ဘ၀ဖြစ်မှုနဲ့ ယာယီမသန်စွမ်းမှုတို့အတွက် အာမခံအလုပ်သမား(၄၈၃)ဦးစုစုပေါင်း(၄၈၆)ဦးကို  ငွေလုံးငွေရင်းနဲ့ ပေးအပ်ခဲ့တယ်လို့သိရပါတယ်။

ရန်ကုန်တိုင်းဒေသကြီးအတွင်းမှာ လက်ရှိ အလုပ်သမား၊ လူဝင်မှုကြီးကြပ် ရေးနှင့်ပြည်သူ့အင်အားဝန်ကြီးဌာန လူမှုဖူလုံရေးအဖွဲ့မှ အလုပ်သမားဆေးရုံကြီး(၂)ရုံနဲ့ လူမှုဖူလုံရေး- ကဲဝဲလ်ဆေးခန်း(၄)ခု ဖွင့်လှစ်ထားတယ်လို့ သိရပါတယ်။

 

 

Related News