မြန်မာနိုင်ငံရဲ့ စီးပွားရေးလုပ်ငန်းလုပ်ကိုင်ရလွယ်ကူမှုအခြေအနေ ပကတိမြေပြင်အနေအထားတွေကို နိုင်ငံတကာက သိရှိစေဖို့အတွက်  Ease of Doing Business အစီရင်ခံစာကို ကမ္ဘာ့ဘဏ်ထံ နှစ်စဉ်တင်ပြရတာဖြစ်ပြီး လာမယ့် ၂၀၂၀ ပြည့်နှစ်အတွက် အစီရင်ခံစာ တင်နိုင်ရန် အစိုးရဌာနမှ တာဝန်ရှိသူတွေနဲ့ ပုဂ္ဂလိကလုပ်ငန်းရှင်တွေ တွေ့ဆုံညှိနှိုင်း ပြင်ဆင်နေပြီဖြစ်ပါတယ်။Doing Business အစီရင်ခံစာဆိုတာက ကမ္ဘာ့ဘဏ်ကနေ တစ်နှစ်တစ်ကြိမ် ကြိုတင်ထုတ်ပြန်လေ့ရှိတဲ့ အစီရင်ခံစာဖြစ်ပြီး တစ်ကမ္ဘာလုံးက စောင့်ကြည့်လေ့ရှိပါတယ်။ နိုင်ငံတစ်နိုင်ငံချင်းစီက တင်သွင်းလာတဲ့ အစီရင်ခံစာတွေကို  ကမ္ဘာ့ဘဏ်က အကဲဖြတ်ပြီး စီးပွားရေးလုပ်ကိုင်ရ လွယ်ကူမှု အဆင့်သတ်မှတ်ချက် ထုတ်ပြန်ပေးတာပါ။

စီးပွားရေးလုပ်ငန်းရှင်တွေက အဲ့ဒီအစီရင်ခံစာကိုစောင့်ကြည့်ပြီး စီးပွားရေးလုပ်ရ လွယ်တယ်ဆိုတဲ့ နိုင်ငံမှာ ရင်းနှီးမြှုပ်နှံလေ့ရှိပါတယ်။မြန်မာနိုင်ငံရဲ့ စီးပွားရေးလုပ်ငန်းလုပ်ကိုင်ရ လွယ်ကူမှုအခြေအနေကို တိုင်းတာဖော်ပြတဲ့ ၂၀၁၉ ခုနှစ်စစ်တမ်းမှာတော့ မြန်မာက နိုင်ငံပေါင်း (၁၉၀)ထဲအနက် အဆင့် (၁၇၁) မှာ ရှိနေတယ်လို့သိရပါတယ်။ အဲ့ဒီအစီရင်ခံစာကို တင်ပြနိုင်ဖို့က ကမ္ဘာ့ဘဏ်မှပေးပို့တဲ့ မေးခွန်းလွှာတွေကို ဖြေဆိုရမှာပဲဖြစ်ပါတယ်။ ဒီအစီရင်ခံစာမှာ ကုမ္ပဏီတစ်ခု စတင်ထူထောင်တာကနေ  ပိတ်သိမ်းချိန်အထိ လိုက်နာဆောင်ရွက်ရမယ့် ညွှန်းကိန်းဆယ်ခုကို အမှတ်ပေးတာဖြစ်ပါတယ်။အစိုးရရဲ့ စီးပွားရေးဆိုင်ရာ ပြုပြင်ပြောင်းလဲနိုင်မှုတွေအပြင် စစ်တမ်းမေးခွန်းတွေကို ဖြေဆိုနိုင်မှုကလည်း နိုင်ငံရဲ့ စီးပွားရေးလုပ်ကိုင်ရ လွယ်ကူမှု အဆင့်သတ်မှတ်တဲ့အပေါ် မူတည်နေပါတယ်။

Doing Business အစီရင်ခံစာမှာ သတ်မှတ်တဲ့ အဆင့်ကောင်းရင် အဲ့ဒီနိုင်ငံက စီးပွားလုပ်ရလွယ်ကူတယ်လို့ သတ်မှတ်နိုင်ပြီး မြန်မာနိုင်ငံလည်း အဆင့်ကောင်းခဲ့ရင် နိုင်ငံရင်းနှီးမြှုပ်နှံသူတွေ ပိုမိုဝင်ရောက်လာမှာ ဖြစ်ပါ တယ်။ စစ်တမ်းမေးခွန်းကို အင်္ဂလိပ်ဘာသာနဲ့ဖြေဆိုပေးရတာကြောင့် မေးခွန်းသဘောတရားနားလည်စေဖို့အတွက်  မတ်လ(၈)ရက်က UMFCCI မှာ ညှိနှိုင်းအစည်းအဝေးတစ်ရပ် ပြုလုပ်ခဲ့ပါတယ်။ကမ္ဘာ့ဘဏ်ရဲ့စစ်တမ်းမေးခွန်းတွေကို ပုဂ္ဂလိကလုပ်ငန်းရှင်တွေ၊အထောက်အကူပြုအဖွဲ့အဝင်တွေအပြင် ပုဂ္ဂလိကလုပ်ငန်းတွေမှာ တာဝန်ယူဆောင်ရွက်နေတဲ့ ဥပဒေရေးရာနဲ့စာရင်းကိုင်လုပ်ငန်းကိုယ်စားလှယ်တွေကဖြေဆိုပေးရတာဖြစ်ပါတယ်။ အခုပြုလုပ်ခဲ့တဲ့  ညှိနှိုင်းအစည်းအဝေးကိုတော့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီးနဲ့ အမြဲတမ်းအတွင်းဝန်တို့တက်ရောက်ခဲ့ ကြပါတယ်။

 

 

Related News