အမေရိကန်နဲ့ မြန်မာစီးပွားရေးလုပ်ငန်းရှင်တွေအချင်းချင်းစီးပွားရေးလုပ်ငန်းတွေချိတ်ဆက်ဆောင်ရွက်နိုင်မည့် American Business Corner ကို မတ်လ (၁၂)ရက်က မန္တလေးမြို့မန္တလေးတိုင်းဒေသကြီးကုန်သည်များနှင့် စက်မှုလက်မှု လုပ်ငန်းရှင်များအသင်း(MRCCI)ရုံးမှာ ဖွင့်လှစ်ခဲ့ပါတယ်။အခုမန္တလေးမြို့မှာဖွင့်လှစ်လိုက်တဲ့ (ABC) American Business Corner ကိုအာဆီယံဒေသတွင်းနိုင်ငံတွေထဲမှာ မြန်မာနိုင်ငံမှာပထမဆုံး အဖြစ် အမေရိကန်ကလာရောက်ဖွင့်လှစ်တာဖြစ်တယ်လို့ သိရပါတယ်။မန္တလေးဟာတိုင်းပြည်ရဲ့စီးပွားရေးအချက်အခြာကျတဲ့နေရာတစ်ခုဖြစ်တာကြောင့်မန္တလေးကိုရွေးချယ်ခဲ့တာဖြစ်ပြီးဒီCorner(ကော်နာ)မှာအမေရိကန်၊မြန်မာနှစ်နိုင်ငံကြားမှာရှိတဲ့စီပွားရေးလုပ်ငန်းတွေချိတ်ဆက်အားကောင်းလာအောင်အမေရိကန်နိုင်ငံက စီးပွားရေးလုပ်ငန်းရှင်တွေ ခေါ်လာပြီး မြန်မာနိုင်ငံက စီးပွားရေးလုပ်ငန်းရှင်တွေချိတ်ဆက်ပေးဖို့ဖြစ်တယ်လို့ သိရပါတယ်။

မြန်မာနိုင်ငံစီပွားရေးနဲ့ပတ်သက်လို့ ပြုပြင် ပြောင်းလဲမှုတွေရှိနေပြီး အမေရိကန်က လုပ်ငန်းရှင်တွေကလည်းစိတ်ဝင်စားမှုတွေရှိနေတယ်လို့ သိရပါတယ်။အမေရိကန်ကလုပ်ငန်းရှင်တွေကစီပွားရေးချိတ်ဆက်မှုအနေနဲ့လယ်ယာထွက်ကုန်တွေ၊ကောက်ပဲသီးနှံ၊အထည်အလိပ်၊အစားအသောက်၊ဆက်သွယ်ရေးနဲ့အိုင်တီနည်းပညာလုပ်ငန်းတွေမှာနှစ်ဖက်အပြန်အလှန်တိုးမြှင့်  လုပ်ကိုင်ကြဖို့ရှိနေတယ်လို့ သိရပါတယ်။

မန္တလေးတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်းကနိုင်ငံပေါင်း(၁၇)နိုင်ငံ ဝန်းကျင်က စီးပွားရေးကုန်သည်အသင်း(၂၂)ခုနဲ့ ချိတ်ဆက် ဆောင်ရွက်မှုတွေပြုလုပ်နေသလို အခုလို American Business Corner ထပ်မံဖွင့်လှစ်လိုက်တဲ့အတွက် ပြည်တွင်းကလုပ်ငန်းရှင်တွေက လာရောက် ချိတ်ဆက်လုပ်ကိုင်ကြဖို့ အခွင့်အရေးတွေကို အသုံးချကြဖိုို့ MRCCI ဒုတိယဥက္ကဋ္ဌဒေါ်ခင်လေးမြင့်က ပြောပါတယ်။American Business Corner ဖွင့်ပွဲကိုမန္တလေးတိုင်းဒေသကြီးဝန်ကြီးချုပ်ဒေါက်တာဇော်မြင့်မောင်နဲ့ တိုင်းဒေသကြီး အစိုးရအဖွဲ့ဝင်ဝန်ကြီးတွေ၊ မြန်မာနိုင်ငံဆိုင်ရာအမေရိကန်သံအမတ်ကြီးနဲ့ တာဝန်ရှိပုဂ္ဂိုလ်တွေ၊ MRCCIကတာဝန်ရှိသူတွေနဲ့ နှစ်နိုင်ငံစီးပွားရေးဆိုင်ရာ လုပ်ငန်းရှင်တွေ တက်ရောက်ခဲ့ကြပါတယ်။

 

 

Related News