ဂလိုဘယ်ဝေါလ် အာမခံကုမ္ပဏီမှ သီးနှံအာမခံထားရှိမှုနဲ့ပတ်သက်ပြီး ရှင်းလင်းပွဲကို မတ်လ(၁၂)ရက်က ဗဟိုစည်အိမ်ရာမှာပြုလုပ်ခဲ့ပါတယ်။ဂလိုဘယ်ဝေါလ်အာမခံကုမ္ပဏီမှသီးနှံအာမခံထားရှိဖို့အတွက် စီမံကိန်းနှင့်ဘဏ္ဍာရေးဝန်ကြီးဌာနမှ (၂၀၁၈)ခုနှစ်ဇန်န၀ါရီလမှာ တရားဝင်ခွင့်ပြုလိုက်ပြီဖြစ်ပါတယ်။ ကုမ္ပဏီအနေနဲ့(၂၀၁၈)ခုနှစ်၊ဖေဖော်ဝါရီလ(၁)ရက်ကစတင်ပြီး ရန်ကုန်တိုင်းဒေသကြီး၊ဧရာဝတီတိုင်းဒေသကြီးနဲ့မန္တလေးတိုင်းဒေသကြီး(၃)ခုက စပါးစိုက်တောင်သူတွေကို စပါးဧက(၃၀၀)ခန့်အာမခံထားရှိပေးခဲ့တာဖြစ်ပါတယ်။အာမခံထားရှိပေးတဲ့အခါမှာလည်း  စပါးဧကအထွက်နှုန်းတင်း(၅၀)ကို နိုင်ငံတော်က သတ်မှတ်ထားတဲ့ အခြေခံစပါးဈေးနှုန်းပေါ်မူတည်ပြီး ပရီမီယမ်ကြေးငွေကျပ်(၅၀၀၀)ကျပ်သာ တောင်သူတွေကိုပေးသွင်းခိုင်းတာဖြစ်တယ်လို့သိရပါတယ်။

အခုလိုအာမခံထားရှိထားပြီး ရာသီဥတုဖောက်ပြန်မှု၊မိုးခေါင်မှု၊ မိုးများပြီးရေကြီးနစ်မြှုပ်လို့ သီးနှံတွေပျက်စီးပါက သတ်မှတ်ဈေးနှုန်းအတိုင်း ပေးလျော်သွားမယ်လို့သိရပါတယ်။ဂလိုဘယ်ဝေါလ်အာမခံကုမ္ပဏီအနေနဲ့ စမ်းသပ်ကာလရဲ့ ဒုတိယနှစ်ဖြစ်တဲ့ အခုနှစ်မှာ Contract Farming ပြုလုပ်တဲ့ အစိုးရအဖွဲ့အစည်းများ၊ ကုမ္ပဏီများနဲ့ MOU ရေးထိုးပြီး သီးနှံအာမခံလုပ်ငန်းကို ကျယ်ကျယ်ပြန့်ပြန့် ဆောင်ရွက် သွားမယ်လို့ သိရပါတယ်။ ဂလိုဘယ်ဝေါလ်အာမခံကုမ္ပဏီဟာ လက်ရှိမှာ အာမခံအမျိုးအစား(၁၇)မျိုးအထိလုပ်ကိုင်လျှက်ရှိပြီး ဒီထဲကမှ မီးအာမခံ၊အလုံးစုံမော်တော်ယာဉ်အာမခံနဲ့ခရီးသွားအာမခံ စတဲ့(၃)မျိုးကိုတော့ အများဆုံးထားရှိကြတယ်လို့သိရပါတယ်။

 

 

Related News