မြန်မာနိုင်ငံမှာ မွေးမြူထုတ်လုပ်တဲ့ ငါး၊ပုစွန် အမျိုးအမည် (၁၀)မျိုးကို ဥရောသမဂ္ဂဝင်နိုင်ငံတွေထံ မေလ (၁) ရက်ကစပြီး ပထမဆုံးအကြိမ် တင်ပို့ခွင့်ရတော့မှာဖြစ်တယ်လို့ ငါးလုပ်ငန်းဦးစီးဌာနက သိရပါတယ်။လာမယ့် မေလ (၁)ရက်မှာ ဥရောပနိုင်ငံတွေကို မြန်မာ့မွေးမြူရေးငါး (၇)မျိုး၊ ပုစွန်(၂)မျိုးနဲ့ ကဏန်းပျော့တွေ တင်ပို့ခွင့်ရမှာဖြစ်ပါတယ်။ သဘာဝအတိုင်း ပင်လယ်ပြင်ကနေ ဖမ်းဆီးရရှိတဲ့ ငါးတွေကို ဥရောပနိုင်ငံတွေထံ ပြီးခဲ့တဲ့ ၁၂ နှစ်ကတည်းက တင်ပို့နေခဲ့တာဖြစ်ပြီး မွေးမြူရေးငါးတွေကိုတော့ ပထမဆုံးအကြိမ်တင်ပို့ခွင့်ရရှိခဲ့တာဖြစ်ပါတယ်။ မြန်မာ့မွေးမြူရေးငါးတွေကို ဥရောပနိုင်ငံတွေထံ တင်ပို့ခွင့်ရဖို့ ၂၀၁၄ ခုနှစ်ကတည်းက နိုင်ငံတော်အဆင့် စီမံကိန်းရေးဆွဲပြီး ကြိုးစားနေခဲ့တာဖြစ်ပါတယ်။

အဲဒီ အမျိုးသားဓာတ်ကြွင်း စောင့်ကြည့်မှုအစီအစဉ် စီမံကိန်းမှာ ငါးမွေးမြူရေးကန်ကနေ အအေးခန်းစက်ရုံအထိ နိုင်ငံတကာအဆင့်မီဖြစ်စေရန် ကြီးကြပ်တဲ့လုပ်ငန်းတွေပါဝင်ပါတယ်။  မြန်မာ့မွေးမြူရေငါးတွေကို တင်ပို့ခွင့်ပြုကြောင်း ဘရပ်ဆဲလ် အခြေစိုက်ရုံး EU ဝက်ဘ်ဆိုက်ကနေ ပြီးခဲ့တဲ့ နှစ်ကုန်ပိုင်းတည်းက အသိပေးထုတ်ပြန်ခဲ့တာဖြစ်ပါတယ်။  ဥရောပနိုင်ငံတွေထံ ပင်လယ်ငါးတွေ အရင်ကတည်းက တင်ပို့နေတဲ့ အအေးခန်းစက်ရုံ (၂၃) ခုထဲက အအေးခန်းစက်ရုံ (၁၇)ခုကိုတော့ မွေးမြူရေးငါး တင်ပို့ဖို့ ရွေးချယ်ပြီးဖြစ်တယ်လို့သိရပါတယ်။ အဆိုပါ အအေးခန်းစက်ရုံတွေဆီ ပေးပို့ရမယ့် ငါးတွေထုတ်လုပ်မယ့် မွေးမြူရေးငါးကန်တွေကိုတော့ (၃၂) ကန် ရွေးချယ်ထားပြီး ကောင်းမွန်သော ရေနေသတ္တဝါမွေးမြူရေးကျင့်စဉ် (GAqP) ရရှိထားပြီးဖြစ်တယ်လို့သိရပါတယ်။ပြီးခဲ့တဲ့ ဘဏ္ဍာနှစ်က ဥရောပနိုင်ငံတွေကို ပင်လယ်ငါးနဲ့ အခြားရေထွက်ကုန်တွေ တင်ပို့ခဲ့တာက အမေရိကန်ဒေါ်လာသန်း ၂၀ ကျော်ရရှိခဲ့ပါတယ်။ မွေးမြူရေးငါးတွေကိုတော့ ဥရောသမဂ္ဂဝင်နိုင်ငံ (၂၈) နိုင်ငံသို့ တင်ပို့သွားမယ်လို့သိရပါတယ်။

 

 

Related News