မူဆယ်မှတစ်ဆင့် တရုတ်ပြည်ဖက်ကို ကုန်စည်ပို့ဆောင်လို့ မရတော့တာကြောင့် မူဆယ်မှာရှိတဲ့ ဂိုထောင်တွေမှာ ကုန်စည်တွေ တန်ချိန် သောင်းချီရှိနေတယ်လို့ သိရပါတယ်။ မူဆယ်မှတစ်ဆင့် တရုတ်ပြည်ဖက်ကို (၂၀၁၈) ခုနှစ် အောက်တိုဘာလကစတင်ပြီး ကုန်စည်ပို့ဆောင်လို့မရတော့တာကြောင့် ဂိုထောင်တွေမှာ ကုန်စည်တွေတန်ချိန် သောင်းချီပိတ်ဆို့နေတယ်လို့သိရပါတယ်။ဂိုထောင်တွေထဲမှာ ဆန်၊ ပြောင်းနဲ့ သကြားတွေ အများဆုံး သိုလှောင်ထားတယ်လို့ သိရပါတယ်။ ဒါဟာ တရုတ်ပြည်ဖက်ကို ပြန်လည်ပို့ဆောင်လို့ရရင် ပို့ဆောင်နိုင်အောင် သိုလှောင်ထားတာလို့ သိရပါ တယ်။ (ဂိုထောင်ထဲက ကုန်စည်ပစ္စည်းအင်းဆက်ဓာတ်ပုံများသုံးမည်)

ရန်ကုန်မှ မူဆယ်ကို လက်ရှိကုန်စည်ပို့ဆောင်ရမှုမရှိသလောက်ဖြစ်နေပြီး တရုတ်ပြည်ဖက်ကနေ မူဆယ်က တစ်ဆင့်တင်သွင်းတဲ့ ဓာတ်မြေသြဇာ၊ လူသုံးကုန်၊ အ၀တ်အထည်၊ လျှပ်စစ်ပစ္စည်း၊ ဆောက်လုပ်ရေးပစ္စည်းစတဲ့ ကုန်ပစ္စည်းတွေကိုသာ ရန်ကုန်၊ မန္တလေးကို ပို့ဆောင်နေရတယ်လို့ သိရပါတယ်။ ဒီလို မူဆယ်မှ ရန်ကုန်၊ မူဆယ်မှ မန္တလေး တစ်ဖက်တစ်ကြောထဲ ပို့ဆောင်နေရတာကြောင့် မူဆယ်မှ ရန်ကုန် တန်ဆာခဟာ အရင်က(၃၂)တန်ကနေ (၃၄)တန်ရှိတဲ့ တွဲကားတစ်စီးကို (၁၃)သိန်း (၁၄)သိန်းရှိရာကနေ အခု (၃၁)သိန်းထိ ရှိနေတယ်လို့ သိရပါတယ်။ မူဆယ်ကနေ- မန္တလေးကို အရင်က(၃၂)တန်ကနေ (၃၄)တန်ရှိတဲ့ တွဲကားတစ်စီးကို (၇)သိန်း (၈)သိန်း ရှိရာကနေ အခု (၁၉)သိန်းဝန်းကျင် ရှိလာတယ်လို့ သိရပါတယ်။တရုတ်ပြည်ဖက်ကနေ ကုန်စည်တွေကို သယ်ဆောင်နိုင်ဖို့ အတွက် တရုတ်ပြည်နယ်စပ် ကြယ်ခေါင်ဂိတ်အ၀င်မှာ (၈)မိုင်ခန့်ရှိတဲ့ ယာဉ်ကြောရှည်ပိတ်ဆို့နေတာကလည်း ရက်(၂၀)ခန့်ရှိနေပြီလို့ သိရပါတယ်။ 

 

 

Related News