ဘားအံ၊မြ၀တီမှတစ်ဆင့် ထိုင်းနယ်စပ်ကို ပြောင်းတွေအများအပြားတင်ပို့နေရတာကြောင့် ဘားအံ၊ မြ၀တီတွဲကား တန်ဆာခတွေ ဈေးတက်လာတယ်လို့ သိရပါတယ်။တရုတ်ကို ပြောင်းနဲ့သကြားတွေ မတင်ပို့ရတော့တဲ့အတွက် ပြောင်းတွေကိုဘားအံ၊ မြ၀တီမှတစ်ဆင့် ထိုင်းနယ်စပ်ကို ပြောင်းလဲတင်ပို့နေရတယ်လို့သိရပါတယ်။ဒါ့ကြောင့် ရန်ကုန်မှ ဘားအံ၊ မော်လမြိုင်ကို အရင်က တန်ဆာခ တစ်တန်ကို ကျပ်(၂၀၀၀၀)ရှိရာကနေ (၂၅၀၀၀)ထိဈေးတက်လာတယ်လို့ သိရပါတယ်။ ရန်ကုန်မှ မြ၀တီကိုတော့ ကုန်တစ်တန်ကို ငွေကျပ် (၂၈၀၀၀)မှ (၃၀၀၀၀)ထိ ပေါက်ဈေးရှိတယ်လို့သိရပါတယ်။ ဒါဟာ ပြောင်းတွေအများအပြား သယ်ပို့ရတာကြောင့် ကုန်ကားတွေရှားလာပြီး ပုံမှန်တင်ပို့နေတဲ့ သံချောင်း၊ စားသောက် ကုန်ပစ္စည်းတွေအတွက်လည်း သယ်ယူပို့ဆောင်ခ တက်လာတာဖြစ်တယ်လုိ့ သိရပါတယ်။

ပြောင်းတွေကို ရန်ကုန်ကနေ ဘားအံ၊မြ၀တီကို သယ်ယူပို့ဆောင်တာရှိသလို ပြောင်းထွက်ရှိရာဒေသတွေဖြစ်တဲ့ ရှမ်းပြည်နယ်နဲ့ ဧရာဝတီတိုင်းဒေသကြီးတို့မှလည်း တိုက်ရိုက် ဘားအံ၊ မြ၀တီကို ပို့ဆောင်ရတာတွေလည်းရှိနေတယ်လို့  သိရပါတယ်။ဘားအ၊ံမြ၀တီတန်ဆာခတွေကတော့ ပြောင်းထွက်ရှိမှုနည်းသွားမှသာ တန်ဆာခဈေးနှုန်းတွေ ပြန်ကျနိုင်မယ်လို့သိရပါတယ်။ကျန်တိုင်းဒေသကြီးနဲ့ ပြည်နယ်အသီးသီးကို သယ်ယူပို့ဆောင်နေရတဲ့ ကုန်စည်သယ်ဆောင်ခတွေကတော့ အတက်အကျ မရှိဘဲ ပုံမှန်အနေအထားသာရှိနေပြီး မူဆယ်တန်ဆာခဈေးတစ်ခုသာ ဈေးအကျမှာရှိနေတယ်လို့ သိရပါတယ်။

 

 

Related News