မြန်မာနိုင်ငံ ငြိမ်းချမ်းရေး ဗဟိုဌာန(MPC)မှာ ပြီးခဲ့တဲ့ (၂၀၁၃)ခုနှစ်မှ (၂၀၁၆)မတ်လအတွင်း ဆွေးနွေးခဲ့တဲ့ ငြိမ်းချမ်းရေး ဆွေးနွေးပွဲအကြောင်းအရာတွေကို ဆောင်းပါး(၆၅)ပုဒ်ရေးသားပြီး ထုတ်ဝေတဲ့ ငြိမ်းချမ်းရေးလမ်း စာအုပ်ကို  ဒီဇင်ဘာ (၂၂)ရက်ကOrchid Hotel မှာ မိတ်ဆက်ခဲ့ပါတယ်။။ အဲ့ဒီစာအုပ်မှာ ခေါင်းစဉ်အနေနဲ့ (၇)ခုပါဝင်ပြီး အင်္ဂလိပ်၊ မြန်မာ(၂)မျုိးစလုံးနဲ့ ဥရောပသမဂ္ဂ(EU) မှ အကုန်ကျခံထုတ်ဝေပေးတာဖြစ်ပါတယ်။ဒီငြိမ်းချမ်းရေးလမ်းစာအုပ် အုပ်ရေ (၃၀၀၀)ကို အခမဲ့ထုတ်ဝေပေးတာဖြစ်ပြီး ဒီစာအုပ်မှာပါဝင်တဲ့ အကြောင်းအရာအချို့ကို အခုလို ပြောပြခဲ့ပါတယ်။ဒီစာအုပ်ကို အစိုးရ၊ တပ်မတော်၊ လွှတ်တော်၊ လက်နက်ကိုင်တိုင်းရင်းသားအင်အားစုများအပြင် တခြားစိတ်ဝင်စားသူတွေ ဖတ်နိုင်အောင် မြန်မာလိုပါ အခမဲ့ဝေငှပေးမှာဖြစ်ပြီး အင်္ဂလိပ်ဘာသာနဲ့ကတော့ သံတမန်တွေ၊ နိုင်ငံတကာ NGO  အဖွဲ့အစည်းတွေနဲ့ တက္ကသိုလ်တွေကို ဖြန့်ဝေပေးမှာဖြစ်တယ်လို့သိရပါတယ်။လာမယ့် ဇန်န၀ါရီလမှာလည်း မြန်မာနိုင်ငံရဲ့ ငြိမ်းချမ်းရေးလုပ်ငန်းစဉ်မှ သင်ခန်းစာများဆိုတဲ့ စာအုပ်ထုတ်ဝေသွားဖို့ရှိတယ်လို့ သိရပါတယ်။ 

 

Related News