မန္တလေးတိုင်းဒေသကြီးအတွင်း တက္ကသိုလ်တွေက ကျောင်းသား၊ ကျောင်းသူတွေ လက်တွေ့ တီထွင်ထားတဲ့ သိပ္ပံပစ္စည်းတွေကို ပထမဆုံးအကြိမ် သိပ္ပံပညာရပ်ပြပွဲအဖြစ် မန္တလေးတက္ကသိုလ် မိုးလုံလေလုံအားကစားကွင်းမှာ ပြသနေပါတယ်။ ဒီဇင်ဘာလ ၂၃ ရက် နဲ့ ၂၄ ရက် နှစ်ရက်တာ ပြသနေတာလည်းဖြစ်ပါတယ်။ သိပ္စံပညာရပ်ပြပွဲကို တက္ကသိုလ် ကျောင်းသားကျောင်းသူတွေသာမက  အခြေခံကျောင်းသား၊ ကျောင်းသူတွေပါ လာရောက်လေ့လာကြပါတယ်။ မန္တလေးတိုင်းအတွင်းက တက္ကသိုလ်တွေနဲ့ နည်းပညာတက္ကသိုလ် ၆ခုကကျောင်းသား၊ ကျောင်းသူတွေ လက်တွေ့ရဲ့ လုပ်ဆောင်နေတဲ့ သိပ္ပံပညာရပ်တွေကို ဘာသာရပ်အလိုက် ရှင်းလင်းပြသတာပါ။ ဓာတုဗေဒဆိုင်ရာ သိပ္ပံပြခန်းတွေ၊ ဘူမိဗေဒဆိုင်ရာ သိပ္ပံပြခန်း၊ ရူပဗေဒ၊ လျှပ်စစ်ဆိုင်ရာ တွေနဲ့ စက်ပစ္စည်းဆိုင်ရာသိပ္ပံပြခန်းတွေပါဝင်သလို ကုမ္ပဏီတွေကလည်း ပြည်ပကတင်သွင်းလာတဲ့ စက်ပစ္စည်းတွေပြသထားပါတယ်။ ဒီပြပွဲမှာ ပြခန်းပေါင်း ၄၀ကျော်ပြသထားပါတယ်။ တေးဂီတဖျော်ဖြေပွဲလည်းပါဝင်သလို  တက္ကသိုလ် ကျောင်းသား ကျောင်းသူတွေရဲ့ ရံပုံငွေ မုန်ဈေးတန်းတွေလည်းဖွင့်လှစ်ထားပါတယ်။ အခုလို သိပ္ပံပြပွဲတွေကို နောက်နှစ်တွေမှာလည်း ဆက်လက်ပြုလုပ်သွားမယ် လို့သိရပါတယ်။

 

Related News