စိန့်ပေါလ်အထက်တန်းကျောင်းလို့လူသိများခဲ့တဲ့  အမှတ် (၆)အခြေခံပညာအထက်တန်းကျောင်း ဗိုလ်တထောင်မှာ မနေ့ကမတ်လ ၂ ရက်က ရန်ကုန်မြို့ပြအမွေအနှစ်အထိမ်းအမှတ် အပြာရောင်ကမ္ဗည်းပြား တပ်ဆင်လိုက်ပါတယ်။  

စိန့်ပေါလ်အထက်တန်းကျောင်းကို ၁၈၆၀ ခုနှစ်က ယောကျာ်းလေးကျောင်းအဖြစ်စတင်ဖွင့်လှစ်ခဲ့ပြီး ဖွင့်လှစ်ခဲ့စဉ်က မဟာဗန္ဓုလပန်းခြံလမ်းမှာရှိတဲ့ Cathedral(ကက်သီဒရယ်လ်) ခရစ်ယာန်ဘုရားရှိခိုး ကျောင်း ဘေးမှာဖြစ်တယ်လို့ သိရပါတယ်။ဒီကျောင်းဟာ  ရိုမန်ကက်သလစ် ခရစ်ယာန်ဘုန်းတော်ကြီးရဲ့ အစီစဉ်နဲ့ ဖွင့်လှစ်ခဲ့တဲ့ ဒုတိယမြောက် စာသင်ကျောင်းလည်း ဖြစ်တယ်လို့သိရပါတယ်။ ရန်ကုန်မြို့တွင်းမှာ ရန်ကုန်မြို့ပြအမွေအနှစ်အထိမ်းအမှတ်ကမ္ဗည်းပြားတပ်ဆင်ဖို့ သတ်မှတ် ထားတဲ့ အဆောက်အဦးနဲ့ ပြည်သူပိုင်နေရာပေါင်း(၁၀၀)ကျော်ရှိပါတယ်။

ဒါတွေကို ရန်ကုန်မြို့ပြ အမွေအနှစ် ထိန်းသိမ်းစောင့်ရှောက်ရေးအဖွဲ့က စာရင်းလိုက်လံပြုစုထားတာဖြစ်ပြီး ဒီစာရင်းတွေထဲက လက်ရှိအထိတော့ မဟာဗန္ဓုလပန်းခြံ၊ဧမာနွေလဘုရားကျောင်း၊ ဗိုလ်ချုပ်ဈေးအပါအ၀င်  အဆောက်အဦး ၁၇ ခုကို အပြာရောင်ကမ္ဗည်းပြားတွေ တပ်ဆင်ပြီးဖြစ်ပါတယ်။

 

Related News