ဘုန်းတော်ကြီးသင်ပညာရေးကျောင်းတွေက ကျောင်းပညာရေးကိုသီးသန့် သင်ကြားပေးမှုတွေ ရှိသလို ကျောင်းအိပ်ကျောင်းစား ကလေးငယ်တွေကိုလက်ခံသင်ကြားပေးတာ တွေရှိပါတယ်။  မန္တလေးက အမှတ် ၉ ဘုန်းတော်ကြီးသင်ကျောင်းမှာဆိုရင် မူလတန်းကနေ ဆယ်တန်းအထိ ကျောင်းသူ ကျောင်းသား(၅၀၀)ကျော် တက်ရောက်ပညာသင်ကြားနေပါတယ်။ 

ဘုန်းတော်ကြီးသင်ပညာရေးကျောင်းတွေအတွက် နိုင်ငံတော်က ကျောင်းသူကျောင်းသား အယောက်၄၀ကို ဆရာ ၊ဆရာမတစ်ဦးနှုန်းအနေနဲ့ငွေကျပ်သုံးသောင်းကနေ စတင်ထောက်ပံ့မှုတွေ ပေးပါတယ်။ဒါပေမယ့် ဘုန်း တော်ကြီးကျောင်းတွေကနေ ဆရာဆရာမတွေကို ငွေထပ်မံထောက်ပံ့မှု တွေအပြင် ကျောင်းသူကျောင်းသားတွေအတွက် စာမေးပွဲအတွက်ဂိုက်ဆရာ၊ ဆရာမဌားရမ်း သင်ကြားပေးရတဲ့ ကုန်ကျစရိတ်တွေ ရှိတယ်လို့ သိရပါတယ်။ ဒီလိုထောက်ပံ့ကြေးငွေတွေအတွက် ရံပုံငွေမရှိသလို သီးသန့်အလှူခံခြင်းမျိူးလည်းမရှိလို့ ပရဟိတ ဘုန်းတော်ကြီးသင်ကျောင်းတွေမှာ ထောက်ပံ့ငွေအခက်အခဲရှိပါတယ်။ ဒါ့ကြောင့်ပရဟိတဆရာ၊ ဆရာမတွေရဲ့ ရပ်တည်မှုက လည်းမတည်ငြိမ်လို့ ကျောင်းဆရာမ လိုအပ်တဲ့ကျောင်းအချို့လည်း ရှိနေတုန်းပါ။  ဘုန်းတော်ကြီးသင်ပညာရေးကျောင်းတွေမှာ ဆရာ ဆရာမတွေအတွက် ငွေကြေးထောက်ပံ့မှုတွေ အဆင်မပြေ သေးပေမယ့် ဘုန်းတော်ကြီးသင်ပညာရေးကျောင်းတွေကို လာရောက်ပညာသင်ကြားတဲ့ ကလေးငယ်တွေကတော့ တစ်နှစ်ထက်တစ်နှစ်တိုးလာတယ်လို့သိရပါတယ်။ဒါ့အပြင် ဘုန်းတော်ကြီးသင် ကျောင်းအရေအတွက်ကလည်း  မန္တလေး ပုသိမ်ကြီးမြို့နယ်အတွင်းမှာဆိုရင် အရင်ကထက် ထက်ဝက်နီးပါးတိုးလာတယ်လို့ သိရပါတယ်။

 

 

Related News