ရေထွက်သဘာဝသယံဇာတ ထိန်းသိမ်းတာနဲ့ ပင်လယ်စာထွက်ကုန် စီးပွားဖြစ်လုပ်ကိုင်နိုင်အောင် သင်ကြားပေးမယ့် ဘာသာရပ်ကို JamesCook University ရဲ့ ရေလုပ်ငန်း ကျွမ်းကျင်သူ ပရော်ဖက်ဆာက Crown Education နဲ့ပူးပေါင်းပြီး မြန်မာနိုင်ငံကကျောင်းသားများကို မတ်လ(၂) ရက်က နိုဗိုတယ်ဟိုတယ်မှာ မိတ်ဆက်ခဲ့ပါတယ်။ ပြည်တွင်းမှာ ရေထွက်သယံဇာတ ပေါများပေမယ့် စနစ်တကျဖမ်းဆီးမှု တွေအားနည်းနေသလို ရေသံယံဇာတထိန်းသိမ်းမှုတွေလည်း မရှိသလောက်ဖြစ်နေပြီး ရေထွက်ထုတ်ကုန်တွေကို စီးပွားဖြစ်သား ဖောက် မွေးမြူတာအားနည်းနေသေးတာကြောင့် အခုဘာသာရပ်ကို ပြည်တွင်းက စိတ်ဝင်စားတဲ့ ကျောင်းသားကျောင်းသူများတက်ရောက်နိုင်ရန် အခုလိုမိတ်ဆက်ခဲ့တာဖြစ်တယ်လို့သိရပါတယ်။

အခုဘာသာရပ်ကို သြစတေးလျနိုင်ငံနဲ့ စင်္ကာပူနိုင်ငံမှာရှိတဲ့JamesCook University မှာတက်ရောက်ရမှာဖြစ်ပြီး တက်ရောက်ချင်တဲ့ ကျောင်းသားကျောင်းသူတွေကို့ Crown Education မှာ ချိတ်ဆက်ဆောင်ရွက်ပေးမှာ ဖြစ်တယ်လို့သိရပါတယ်။ပြည်တွင်းရေလုပ်ငန်းအဖွဲ့တွေက ရေထွက်သဘာဝသယံဇာတထိန်းသိမ်းတာနဲ့ စီးပွားဖြစ်မွေးမြူ ဖြန့်ဖြူးရောင်းချတဲ့ ပညာရပ်တွေကို စိတ်ဝင်စားတယ်ဆိုရင် ရေလုပ်ငန်းကျွမ်းကျင်သူ ပရော်ဖက်ဆာရဲ့ အခမဲ့ အလုပ်ရုံဆွေးနွေးပွဲတွေကိုJamesCook University ကလုပ်ပေးသွားဖို့ အစီအစဉ်ရှိတယ်လို့ သိရပါတယ်။ 

 

 

Related News