၂၀၁၆-၁၇ ပညာသင်နှစ်အတွက် တက္ကသိုလ်ဝင်တန်း စာမေးပွဲကို မြန်မာတစ်နိုင်ငံလုံး အတိုင်းအတာနဲ့ မတ်လ(၈)ရက်နေ့ ဒီကနေ့မှာ စတင်ဖြေဆိုနေပြီဖြစ်ပါတယ်။ မတ်လ(၈)ရက်နေ့မှာ  တက်္ကသိုလ်ဝင်တန်းစာမေးပွဲ ပထမနေ့မှာ မြန်မာစာ စတင်ဖြေဆိုနေ တာဖြစ်ပြီး ရန်ကုန်တိုင်းဒေသကြီးမှာတော့ စာမေးပွဲဝင်ရောက်ဖြေဆိုသူ (၁)သိန်းကျော် ၀င်ရောက်ဖြေဆိုနေတယ်လို့ သိရပါတယ်။အခုနှစ် တက်္ကသိုလ်ဝင်တန်း ဖြေဆိုသူတွေထဲမှာ မသန်စွမ်း၊ ဆွံ့အနားမကြား ဖြေဆိုသူ (၁၀၀)ကျော် ၀င်ရောက်ဖြေဆိုနေပြီး ရန်ကုန်ပြည်သူ့ဆေး ရုံကြီးမှာတော့ တက္ကသိုလ်ဝင်တန်း ၀င်ရောက်ဖြေဆိုသူ(၆)ယောက်ရှိနေတယ်လို့ သိရပါတယ်။

ကျောင်းသားတွေ စာမေးပွဲဖြေဆိုမှုနဲ့ပတ်သက်လို့ အမျိုးသားပညာရေးမူဝါဒ ကော်မရှင် အနေနဲ့ ရန်ကုန်မြို့တွင်းရှိ စာစစ်ဌာနကျောင်းအများစုကို လေ့လာမှုတွေလုပ်ခဲ့ပါတယ်။  တက်္ကသိုလ်ဝင်တန်းစာမေးပွဲဖြေဆိုကြတဲ့ ကျောင်းသား၊ ကျောင်းသူတွေရဲ့ စာမေးပွဲဖြေဆိုမှု ရလဒ်ကို ကျောင်းသားမိဘတွေအနေနဲ့လည်း စိုးရိမ်ပူပန်နေကြတာလည်းတွေ့ရပါတယ်။ ၂၀၁၆-၁၇ ပညာသင်နှစ်မှာတော့ တစ်နိုင်ငံလုံး စာစစ်ဌာန (၁၅၀၀)ကျော်ရှိပြီး ၀င်ရောက် ဖြေဆိုတဲ့ ကျောင်းသား၊ ကျောင်းသူ(၇)သိန်း(၆)သောင်း(၇)ထောင်ကျော် ရှိတယ်လို့ သိရပါတယ်။ 

 

Related News