လူ့အခွင့်အရေးဆိုင်ရာ အချက်အလက်တွေနဲ့ ဝေါဟာရ အသုံးအနှုန်းတွေကို မြန်မာဘာသာ နဲ့ အလွယ်တကူ လေ့လာဖတ်ရှုနိုင်ဖို့ Equality Myanmar  ကနေ လူ့အခွင့်အရေးဆိုင်ရာ ဝေါဟာရအသုံးအနှုန်းစာအုပ်နဲ့ အမေးအဖြေစာအုပ်တွေကို ဒုတိယအကြိမ် ထုတ်ဝေလိုက်ပါတယ်။

ပြည်တွင်းမှာ လူ့အခွင့်အရေးနဲ့ ပတ်သက်တဲ့ စာအုပ်ထုတ်ဝေမှု တွေရှားပါးသလို နိုင်ငံတကာ ဥပဒေဆိုင်ရာ ဝေါဟာရများကို ဘာသာပြန်ပြီး ဖတ်ရတဲ့ အခက်အခဲတွေရှိတာကြောင့် မိခင်ဘာသာ စကားဖြစ်တဲ့ မြန်မာဘာသာနဲ့ စာအုပ်ထုတ်ဝေဖို့ အကြံဥာဏ်ရခဲ့တယ်လို့ Equality Myanmar ရဲ့ အမှုဆောင် ဒါရိုက်တာ ဦးအောင်မျိုးမင်းက ပြောပါတယ်။

အခုထုတ်ဝေတဲ့ စာအုပ်မှာ လူ့အခွင့်အရေးဝေါဟာရ ၉၂ လုံးပါဝင်ပြီး နိုင်ငံတကာ လူ့အခွင့်အရေး ဥပဒေတွေနဲ့ အဖွဲ့အစည်းတွေအကြောင်း ကိုအလွယ်တကူလေ့လာနိုင်မှာပါ။အခုထုတ်ဝေမှုမှာ ဝေါဟာရ အသုံးအနှုန်းနဲ့ အမေးအဖြေတွေ ပါဝင်တဲ့ စာအုပ်ဆိုပြီး နှစ်မျိုးခွဲ ထုတ်ဝေထားတာပါ။ နိုင်ငံတကာလူ့အခွင့်အရေးနဲ့ပတ်သက်တဲ့ စာအုပ်ကို ပထမအကြိမ်ပုံနှိပ်ထုတ်ဝေတုံးက စာအုပ်ရေ ၂၀၀၀ ကျော်ရောင်းချခဲ့ရပြီး အခုတစ်ကြိမ် ထုတ်ဝေတဲ့စာအုပ်တွေကိုတော့ Equality Myanmar  မှာ အခမဲ့ ထုတ်ယူနိုင်တယ်လို့ သိရပါတယ်။

 

 

Related News