ရန်ကုန်တိုင်းဒေသကြီးရဲတပ်ဖွဲ့အနေနဲ့ တိုင်းဒေသကြီးရဲတပ်ဖွဲ့ဝင်နဲ့ စာရေးဝန်ထမ်း သားသမီးတွေထဲက ၂၀၁၆-၂၀၁၇ ပညာသင်နှစ်မှာ တက္ကသိုလ်ဝင်တန်းကို ဂုဏ်ထူးနဲ့အောင်မြင်ကြတဲ့ ကျောင်းသား၊ ကျောင်းသူတွေကို ဇွန်လ(၃၀) ရက်နေ့က တိုင်းရဲတပ်ဖွဲ့ရုံးမှာ ဆုချီးမြှင့်ခဲ့ပါတယ်။  
 
၂၀၁၆-၂၀၁၇ ပညာသင်နှစ်မှာ  တက္ကသိုလ်ဝင်တန်းကို ရန်ကုန်တိုင်းဒေသကြီးရဲတပ်ဖွဲ့ဝင်နဲ့ စာရေးဝန်ထမ်းသား၊သမီးတွေထဲက ဂုဏ်ထူးနဲ့ အောင်မြင်သူ(၂၂)ဦးကို တစ်ဘာသာကို ကျပ်(၅၀၀၀၀)နှုန်းနဲ့ ဆုချီးမြင့်ခဲ့တာပါ။ အဲ့ဒီထဲမှာ ဂုဏ်ထူး(၅) ဘာသာနဲ့ အောင်မြင်သူ(၁)ဦး၊ (၄) ဘာသာ(၂)ဦး၊ (၃) ဘာသာ(၂)ဦး၊(၂)ဘာသာ(၅)ဦး၊ (၁)ဘာသာ(၁၀)ဦးရှိပြီး စုစုပေါင်းကျပ် (ဆယ့်ကိုးသိန်း ငါးသောင်း) (၁၉၅၀၀၀၀) ဆုချီးမြင့်ခဲ့တာ ဖြစ်ပါတယ်။
 
၂၀၁၆-၂၀၁၇ ပညာသင်နှစ်မှာ  တက်္ကသိုလ်ဝင်တန်းကို ရဲတပ်ဖွဲ့ဝင် (၁၈)ဦးနဲ့ ရဲတပ်ဖွဲ့ဝင်နဲ့ စာရေးဝန်ထမ်း သား၊ သမီးတွေထဲက ကျောင်းသား၊ ကျောင်းသူ(၂၂၉)ဦး စုစုပေါင်း (၂၄၇)ဦးဖြေဆိုခဲ့တာဖြစ်ပါတယ်။ ဂုဏ်ထူးနဲ့အောင်မြင်ခဲ့သူ ကျောင်းသားကျောင်းသူ(၂၀)အပြင် ကျောင်းသား၊ ကျောင်းသူ(၈၂)ဦးက ရိုးရိုးအောင်မြင်ခဲ့ပြီး စုစုပေါင်း (၁၀၂)ဦးအောင်မြင်ခဲ့တယ်လို့ လဲသိရပါတယ်။  
 
ဂုဏ်ထူး(၄)ဘာသာနဲ့အထက်ရရှိတဲ့ ကျောင်းသား၊ ကျောင်းသူတွေ တက်ရောက်မယ့် တက္ကသိုလ်ရှိတဲ့မြို့တွေကို မိဘတွေပြောင်းရွှေ့ တာဝန် ထမ်းဆောင်ချင်ရင်လဲ  ထူးချွန်ကျောင်းသား၊ ကျောင်သူတွေရဲ့ ပညာရေးကိုတိုးတက်မြင့်မားစေဖို့ ချီးမြှင်မြှောက်စားတဲ့အနေနဲ့ နှစ်စဉ် ခွင့်ပြု လုပ်ဆောင်ပေးနေတယ်လို့လဲ သိရပါတယ်။ 
 
 
 

Related News