အမျိုးသားစာကြည့်တိုက်ရန်ကုန်မှ စာအုပ်တွေကို ပြည်သူတစ်ဦးချင်းဆီကို ငှားရမ်းသွားနိုင်ဖို့ စီစဉ်နေတယ်လို့ အမျိုးသားစာကြည့်တိုက်ရန်ကုန်မှ ညွှန်ကြားရေးမှူးရဲ့ ပြောကြားချက်အရ သိရပါတယ်။ အမျိုးသားစာကြည့်တိုက်(ရန်ကုန်)အနေနဲ့စာအုပ်တွေကို သုတေသနပြုလုပ်မယ့် သုတေသီတွေကိုသာ ပြင်ပကို ထုတ်ငှားတာပါ။ အခုတော့ စာအုပ်တွေကို သုတနဲ့ရသနှစ်မျိုးခွဲခြားပြီး ရသစာအုပ်တွေဟာ ပြန်လည်အစားထိုးနိုင်တာကြောင့် ရသစာအုပ်တွေကိုထုတ်ငှားဖို့စီစဉ်နေတယ်လို့ သိရပါတယ်။
 
ဒီလိုထုတ်ငှားရာမှာတော့ ထောက်ခံပေးမယ့်အဖွဲ့အစည်း ဒါမှမဟုတ် ရပ်ကွက်တွေနဲ့ ညှိနှိုင်းမှုတွေလုပ်ပြီး ငှားရမ်းမယ့် နည်းလမ်းကို ရှာဖွေသွားမှာ ဖြစ်တယ်လို့သိရပါတယ်။ဒါ့အပြင်အမျိုးသားစာကြည့်တိုက်ရန်ကုန်မှ စာအုပ်တွေကို ကျောင်းသားကျောင်းသူများ ဖတ်ရှု့နိုင်ရန်အတွက်စာသင်ကျောင်းတွေက ကျောင်းစာကြည့်တိုက်တွေကို ငှားရမ်းပေးသွားမှာ ဖြစ်တယ်လို့ သိရပါတယ်။
 
ဒီလိုငှားရမ်းရာမှာတော့ ကျောင်းသား ကျောင်းသူတွေရဲ့ ပညာရေးကို အထောက်အကူဖြစ်စေမယ့် စာအုပ်မျိုးတွေကို အဓိကထားငှားရမ်းသွားမှာ ဖြစ်ပြီး စာအုပ်တွေကိုတော့ ကျောင်းတွေက ဆရာ၊ဆရာမတွေကတာဝန်ယူပြီး တစ်လတစ်ခါပြန်လည်အပ်နှံပေးရမှာဖြစ်တယ်လို့ သိရပါတယ်။လက်ရှိ အမျိုးသားစာကြည့်တိုက်ရန်ကုန်မှာ သတင်းစာ၊ဂျာနယ်၊မဂ္ဂဇင်း၊သုတ၊ရသစာအုပ်တွေ အပါအ၀င် စာအုပ်ပေါင်း (၇)သိန်းကျော်အထိရှိနေတယ်လို့ သိရပါတယ်။
 

Related News