(၁၉၆၄-၈၈) လူရည်ချွန်အဖွဲ့ရဲ့ပညာရေးဆိုင်ရာကူညီမှု အခမ်းအနားကို လှိုင်သာယာ မြို့နယ်မှာရှိတဲ့ လူရည်ချွန် ကုသိုလ်ဖြစ်ဆေးခန်းမှာ ကျင်းပခဲ့ပါတယ်။လှိုင်သာယာမြို့နယ်က အလယ်တန်းနဲ့အထက်တန်း ကျောင်းတက် ရောက်နေတဲ့ ကျောင်းသားကျောင်းသူ (၃၉)ဦးကို (၂၀၁၇-၂၀၁၈)ပညာသင်နှစ်အတွက် တစ်လကို ငွေကျပ် (၅၀၀၀)ကိုထောက်ပံ့ပေးသွားမှာဖြစ်ပြီး ကျောင်းသား၊ကျောင်းသူတွေအတွက် စာရေးကိရိယာ၊ထီး၊ ကျောပိုးအိတ်တွေအပြင် ကျောင်းဝတ်စုံ ကြေး တစ်သောင်းနှစ်ထောင်ကိုလည်းထောက်ပံ့ပေးခဲ့တယ်လို့ သိရပါတယ်။ 

လူရည်ချွန်အဖွဲ့အနေနဲ့ လှုိင်သာယာမြို့နယ်က ကျောင်းသား၊ကျောင်းသူတွေကို လူတွေ့ တွေ့ဆုံပြီး ဒီ(၃၉)ဦးကို ရွေးချယ်လှူဒါန်းခဲ့တာဖြစ်တယ်လို့ သိရပါတယ်။ ရွေးချယ်ခံရတဲ့ (၃၉)ဦးထဲက(၁၂)ဦးကိုတော့ ဧ၀ကိုယ်ပိုင် အထက်တန်းကျောင်းမှာ စရိတ်ငြိမ်းကျောင်းထား ပေးမှာဖြစ်တယ်လို့ သိရပါတယ်။(၁၉၆၄-၈၈) လူရည်ချွန်အဖွဲ့အနေနဲ့ (၂၀၁၆-၂၀၁၇)ပညာသင်နှစ်မှာလည်း လှိုင်သာယာ မြို့နယ်က ကျောင်းသား၊ကျောင်းသူ (၄၁)ဦးကို ပညာသင် ထောက်ပံ့ပေးခဲ့တယ်လို့သိရပါတယ်။ 

 

 

Related News