(၁၀)ကြိမ်မြောက်သိပ္ပံနှင့် အင်ဂျင်နီယာဆိုင်ရာသုတေသနစာတမ်းဖတ်ပွဲ အခမ်းအနားကို ရန်ကုန်မြို့က ရန်ကုန်နည်းပညာတက္ကသိုလ် (Y.T.U)မှာ ဇူလိုင်လ(၁၃)ရက်နဲ့ (၁၄)ရက် (၂) ရက်တာ ကျင်းပပြုလုပ်လျက်ရှိတယ်လို့ သိရပါတယ်။
ရန်ကုန်နည်းပညာတက္ကသိုလ်မှာ မဟာသင်တန်းတွေ တက်ရောက်နေတဲ့ အင်ဂျင်နီယာ၊ ဗိသုကာပညာ အပါအ၀င်ပညာရပ် နယ်ပယ်(၁၂)ခုက သုတေသနစာတမ်းပေါင်း (၁၉၅)စောင်ကို ဖတ်ကြားမှာဖြစ်တယ်လို့ သိရပါတယ်။သုတေသနလုပ်ဆောင်သူတွေအတွက် အချက်အလက်ပိုင်းဆိုင်ရာတွေကို ဝေမျှနိုင်ဖို့နဲ့နည်းပညာ တက္ကသိုလ်အချင်းချင်း ချစ်ကြည်ရင်းနှီးမှုရဖို့အတွက် အခုလိုစာတမ်းဖတ်ပွဲပြုလုပ်တာ ဖြစ်တယ်လို့ သိရပါတယ်။
 
သုတေသနပြုလုပ်ရာမှာ အချက်အလက်ကောက်ယူတဲ့အပိုင်းနဲ့ ငွေကြေးပိုင်းတွေမှာ အခက်အခဲတွေ တွေ့ကြုံရလေ့ရှိတဲ့အတွက် သုတေသနရန်ပုံငွေရရှိရေးအတွက် ကြိုးစား ဆောင်ရွက်ပေးနေတာမျိုးတွေ ရှိတယ်လို့သိရပါတယ်။ဒါ့အပြင်လက်ရှိလုပ်ငန်းပိုင်း လုပ်ကိုင်နေ တဲ့သူတွေနဲ့ ချိတ်ဆက်ပြီးသုတေသနလုပ်ငန်းတွေကို လက်တွေ့အသုံးချနိုင်ဖို့ လုပ်ဆောင်နေတယ်လို့ သိရပါတယ်။သိပ္ပံနှင့်အင်ဂျင်နီယာဆိုင်ရာ သုတေသနစာတမ်းဖတ်ပွဲကို ရန်ကုန်နည်းပညာ တက္ကသိုလ်မှာ (၂၀၀၈)ခုနှစ်ကတည်းက စတင်ပြုလုပ်ခဲ့တာဖြစ်တယ်လို့ သိရပါတယ်။ 
 
 
 

Related News