ယခု၂၀၁၇-၂၀၁၈ဘဏ္ဍာနှစ်အတွင်းအဆင့်တိုးမြှင့်ပေးခဲ့တဲ့ ကျောင်းပေါင်း (၅၀၀၀)ကျော် အတွက် လိုအပ်တဲ့ ဆရာ၊ ဆရာမအရေအတွက်ကို ဘဏ္ဍာငွေရရှိမူအပေါ် မူတည်ပြီး ပြည့်မှီအောင် ဖြည့်ဆည်းပေးမယ်လို့ ပညာရေးဝန်ကြီးဌာန ဒုတိယ၀န်ကြီး ဦးဝင်းမော်ထွန်းက ပြောပါတယ်။ ဆရာ၊ဆရာမတွေ ပြည့်မီအောင်ခန့်ထားရေးနဲ့ပတ်သက်ပြီး ဇူလိုင်လ၂၄ ရက်က ပြုလုပ်ခဲ့တဲ့ ဒုတိယအကြိမ်မြောက် ပြည်သူ့လွှတ်တော် ပဉ္စမပုံမှန်အစည်းအဝေးမှာ အောင်မြေသာစံမဲဆန္ဒနယ်က လွှတ်တော်ကိုယ်စားလှယ် ဒေါက်တာဦးလှမိုးက အဆင့်တိုးမြှင့်ပေးခဲ့တဲ့ကျောင်းတွေမှာ လိုအပ်နေတဲ့ ဆရာ ဆရာမပြည့်စုံစွာ ခန့်ထားရေးနဲ့ပတ်သက်ပြီး မေးမြန်းခဲ့တာကို ပြန်လည်ဖြေကြားခဲ့တာပါ။

အခု၂၀၁၇-၂၀၁၈ဘဏ္ဍာနှစ်အတွင်း မူလတန်း၊ အလယ်တန်းနဲ့ အထက်တန်းကျောင်းတွေ အဖြစ်သတ်မှတ်ထားတဲ့ မူတွေအရ အဆင့်တိုးမြှင့်ပေးနိုင်ခဲ့တဲ့ကျောင်း (၄၁၂)ကျောင်းရှိပြီး သတ်မှတ်ချက်တွေမပြည့်မီသော်လည်း လိုအပ်ချက်အရ အဆင့်တိုးမြှင့်ပေးခဲ့တဲ့ ကျောင်း (၄၆၈၇) ကျောင်းရှိတယ်လို့ သိရပါတယ်။ အဲဒီကျောင်းတွေအတွက် လိုအပ်တဲ့ ဆရာ၊ ဆရာမအရေအတွက် ပြည့်မီရေးအတွက် ပညာရေးတက္ကသိုလ်နဲ့ ပညာရေးကောလိပ်က သင်တန်းဆင်းဆရာ ဆရာမတွေ အပြင် နေ့စားလပေးဆရာဆရာမတွေကိုလည်းကောင်းခန့်အပ်သွားမှာဖြစ်ပြီး ဒေသခံဆရာဆရာမ တွေကိုလဲ ဦးစားပေးကာ ခန့်အပ်သွားမယ်လို့ သိရပါတယ်။ 

ဒါ့အပြင် ဆရာဆရာမတွေအတွက် လိုအပ်တဲ့ ဆရာအဖြစ်သင် သင်တန်းတွေကိုလဲ ပေးအပ်သွားမှာဖြစ်ကာ အဆင့်တိုးမြှင့်ပေးခဲ့တဲ့ ကျောင်းတွေအတွက် လိုအပ်တဲ့ စာသင်ဆောင်တွေ သင်ထောက် ကူပစ္စည်းတွေ စာကြည့်တိုက်တွေကိုနဲ့ လိုအပ်တဲ့အခြေခံ အဆောက်အအုံတွေကိုလဲ ဘဏ္ဍာငွေရရှိမှုအပေါ်မူတည်ပြီး ဆောင်ရွက်ပေးသွားမယ်လို့ သိရပါတယ်။

 

 

Related News