၂၀၁၇-၂၀၁၈ ပညာသင်နှစ်အတွက် အခြေခံပညာကျောင်းတွေမှာ အုပ်စုလိုက် ဖြေဆိုခြင်း မဟုတ်ဘဲ ကျောင်းသား ကျောင်းသူတစ်ဦးချင်း ဖြေဆိုရတဲ့စာမေးပွဲစစ်ဆေးမှုတွေ စတင်ပြုလုပ်နေ တယ်လို့သိရပါတယ်။ ၂၀၁၇-၂၀၁၈ပညာသင်နှစ်အတွက် အခြေခံပညာကျောင်းတွေအနေနဲ့ စာမေးပွဲစစ်ဆေးရာမှာ မူလကအုပ်စုလိုက် (Group work) ပုံစံနဲ့ စစ်ဆေးဖို့ အခြေခံပညာဦးစီးဌာနက ညွှန်ကြားထား ပေမယ့် လက်ရှိမှာ ဒီစနစ်ကို အကောင်အထည်ဖော် ဆောင်ရွက်နိုင်ခြင်း မရှိသေးတဲ့အတွက် တစ်ဦးချင်း ဖြေဆိုရတဲ့စာမေးပွဲကို စတင်စစ်ဆေးခဲ့ပြီး ကျောင်းသား၊ ကျောင်းသူတွေအနေနဲ့ အရင်ဖြေဆိုရတဲ့ ပုံစံအတိုင်းဖြေဆိုရတဲ့အတွက် အခက်အခဲမရှိ ဖြေဆိုနိင်တာကို တွေ့ရတယ်လို့ အ.ထ.က ၆ ဗိုလ်တထောင်မှ ဆရာမတစ်ဦးက အခုလိုပြောပါတယ်။
 
မူလက စစ်ဆေးမယ့် အုပ်စုလိုက် ဖြေဆိုရတဲ့စာမေးပွဲပုံစံဟာ စနစ်သစ်တစ်ခုဖြစ်တဲ့အတွက် အခက်အခဲရှိနိုင်တာကြောင့်  ကျောင်းသား၊ ကျောင်းသူတွေအဆင်မပြေဖြစ်နိုင်တယ်လို့ သိရပါတယ်။ ဒါ့အပြင် ဒီစနစ်ကို ကျောင်းသားမိဘတစ်ချို့ကလည်း ဝေဖန်တာတွေရှိနေတဲ့အတွက် စနစ်သစ် တစ်ခုပြောင်းလဲဖို့အတွက် အချိန်ယူပြင်ဆင်သင့်တယ်လို့ သိရပါတယ်။အခုဖြေဆိုရတဲ့စာမေးပွဲဟာ ဒုတိယတန်းကနေ ဒသမတန်းအထိ ဖြေဆိုရတာဖြစ်ပြီး စာမေးပွဲ စစ်ဆေးရာမှာ ကျောင်းသူ၊ ကျောင်းသားတွေက စုစုပေါင်းအမှတ် (၂၅)မှတ်ဖိုး ဖြေဆိုရတာဖြစ်ပြီး ကျောင်းသား၊ ကျောင်းသူတွေအနေနဲ့ နှစ်လစာမေးခွန်းကို ဖြေဆိုရတာ ဖြစ်တယ်လို့လည်း သိရပါတယ်။
 
၂၀၁၇-၂၀၁၈ ပညာသင်နှစ်အတွက် အခြေခံပညာကျောင်းတွေမှာစာမေးပွဲစစ်ဆေးရာမှာ ဇူလိုင်လမှာ တစ်ကြိမ်၊ အောက်တိုဘာလမှာ တစ်ကြိမ်၊ ဒီဇင်ဘာလမှာတစ်ကြိမ်၊ ဖေဖော်ဝါရီလမှာ တစ်ကြိမ်၊ စုစုပေါင်း လေးကြိမ် စစ်ဆေးသွားမှာဖြစ်ပြီး အခုဇူလိုင်လမှာ ဖြေဆိုရတဲ့စာမေးပွဲက ပထမဦးဆုးံအကြိမ်စစ်ဆေးတာလည်းဖြစ်ပါတယ်။ ကျောင်းသား၊ ကျောင်းသူတွေအနေနဲ့ ပထမအစမ်းစာမေးပွဲကို အောက်တိုဘာလမှာ ဖြေဆိုရမှာဖြစ်ပြီး နောက်ဆုးံဖိုင်နယ်ကို ဖေဖော်ဝါရီလ မှာ ဖြေဆိုသွားရမှာဖြစ်တယ်လို့သိရပါတယ်။
 
 

Related News