ရန်ကုန်ကစက်ရုံလုပ်သားတွေအတွက် ညပိုင်းသင်တန်းတွေကို တက္ကသိုလ်တွေမှာ ဒီနှစ်အတွင်း ဖွင့်လှစ်သင်ကြားပေးသွားမယ်လို့ ရန်ကုန်တိုင်းဒေသကြီးအစိုးရအဖွဲ့က ပြောကြားလိုက်ပါတယ်။ နည်းပညာတက္ကသိုလ်တွေမှာ ရန်ကုန်တိုင်းဒေသကြီးအတွင်းက စက်ရုံနဲ့USMEတဲ့ လုပ်ငန်းတွေအတွက် ညပိုင်းအသက်မွေးဝမ်းကြောင်းသင်တန်းတွေကို ဒီနှစ်အတွင်းမှာပဲ  ဖွင့်လှစ် သင်ကြား ပေးသွားမယ်လို့ ရန်ကုန်တိုင်းဒေသကြီးဝန်ကြီးချူပ်က ဇူလိုင်၂၉ရက်က UMFCCI မှာ ပြုလုပ်တဲ့ အသေးစားနဲ့ အလတ်စားလုပ်ငန်းများ ဖွံဖြိုးတိုးတက်ရေး ဖိုရမ်မှာ ပြောကြားလိုက်တာပါ။ ဒါ့ပြင် တက္ကသိုလ်ကျောင်းတွေကိုလည်း  နေ့ပိုင်းတွေမှာသာ မဟုတ်ဘဲ ညပိုင်းတွေမှာပါ ဖွင့်လှစ်သင်ကြားနိုင်ဖို့ လုပ်ဆောင်သွားမှာဖြစ်ပြီး စာသင်ခန်းမတွေကို အချိန်ပြည့်အသုံချနိုင်ဖို့ လုပ်ဆောင်သွားမယ်လို့လဲ ၀န်ကြီးချူပ်က ပြောကြားလိုက်ပါတယ်။
 
ဖွံဖြိုးပြီးနိုင်ငံတွေလို စက်မှုဇုန်တွေက တက္ကသိုလ်တွေကို ကျောထောက်နောက်ခံထားကာ ချိတ်ဆက်တည်ရှိထားသလို  လက်ရှိရန်ကုန်က နည်ပညာတက္ကသိုလ်တွေမှာ  စက်မှုဇုံတွေနဲ့ချိတ်ဖို့ နေရာတကျ အဆင်သင့်ရှိနေပြီး ချိတ်ဆက်လုပ်ဆောင်မယ်လို့လဲ ၀န်ကြီးချူပ်ကဆိုပါတယ်။ လက်ရှိ ခုလိုအသက်မွေးမှုပညာရပ်တွေ အဆင့်မြှင့်တင်ပြီး စွန့်ဦးတီထွင်လုပ်ငန်းသစ်တွေ ပေါ်ထွန်းလာရေး၊ သင်တန်းတွေရဲ့ ကောင်းကျိုးတွေနဲ့ပတ်သက်လို့လဲ   အသေးစားနှင့်အလတ်စား စက်မှုလုပ်ငန်းများဖွံ့ဖြိုးတိုးတက်ရေးဌာန ညွှန်ကြားရေးမှူးချုပ်ကလည်း ခုလိုပြောပါတယ်။
 
ဒီအသက်မွေးဝမ်းကြောင်းသင်တန်းတွေကို လှိုင်သာယာ၊ သန်လျင်မှာရှိတဲ့ နည်းပညာ တက္ကသိုလ်တွေနဲ့ ကွန်ပျူတာတက္ကသိုလ်မှာ စတင်လုပ်ဆောင်သွားမယ်လို့လည်းသိရပါတယ်။ဖိုရမ်မှာတော့ ကုန်ထုတ်လုပ်မှု၊ ကုန်သွယ်မှု၊ ၀န်ဆောင်မှုကဏ္ဍတွေ၊ ကျေးလက်ဒေသ SME လုပ်ငန်းများဖွံဖြိုးတိုးတက်ရေး၊ စွန့်ဦးတီထွင် SME လုပ်ငန်းသစ်များလွယ်ကူစွာ လျင်မြန်စွာ ဖြစ်ထွန်းလာရေး၊ SME လုပ်ငန်းများငွေကြေးအရင်းအနှီးရရှိရေး စတာတွေကို စက်မှုဝန်ကြီးဌာန အပါအ၀င် ရန်ကုန်တိုင်းဒေသကြီးအစိုးရအဖွဲ့၊ ကုန်သည်စက်မှုအသင်းချုပ်၊ SME လုပ်ငန်းရှင်တွေ၊ နယ်ပယ်အရပ်ရပ်က ပညာရှင်တွေက စိတ်ပါဝင်စားသူတွေ တက်ရောက်ကြပြီး သုံးသပ် အဖြေထုတ်ကြတာလဲဖြစ်ပါတယ်။
 
 

Related News