ပညာရေးဝန်ကြီးဌာနနဲ့  ပြန်ကြားရေးဝန်ကြီးဌာနတို့  ပူးပေါင်းကာ ပညာရေးရုပ်မြင် သံကြားလိုင်းတစ်လိုင်း ပေါ်ပေါက်ရေးပူးပေါင်းဆောင်ရွက်သွားမယ်လို့  သိရပါတယ်။ မြန်မာ့ပညာရေးပြုပြင်ပေါင်းလဲမှု အထောက်အပံ့ဖြစ်စေဖိုနဲ့ ဖွံ့ဖြိုးတိုးတက်မှုကို အရှိန်အဟုန် မြှင့်တင်စေဖို့အတွက် အစိုးရ၏ ပညာရေးရုပ်မြင်သံကြားလိုင်းတစ်လိုင်း သီးခြားထုတ်လွှင့်ပေးပါရန် ပြည်ထောင်စုအစိုးရအား တိုက်တွန်းတဲ့ အဆိုကို ဒုတိယအကြိမ် ကျင်းပတဲ့ ပြည်သူ့လွှတ်တော် ပဉ္စမပုံမှန်အစည်အဝေးမှာ ဆွေးနွေးစဉ် သက်ဆိုင်ရာ ၀န်ကြီးဌာနတွေက ပြန်လည်ဖြေကြားစဉ် ထည့်သွင်းပြောကြားခဲ့တာပါ။ 
 
ပညာရေးဝန်ကြီးဌာနနဲ့  ပြန်ကြားရေးဝန်ကြီးဌာနတို့ အကြား ပညာရေးရုပ်မြင်သံကြားလိုင်း ထုတ်လွှင့်နိုင်ရေးအတွက် ယခုနှစ်ဇွန်လ ၆ ရက်က ဆွေးနွေးခဲ့ကြတယ်လို့  သိရပါတယ်။ ပညာရေးရုပ်မြင်သံကြားလိုင်းဟာ ပညာရေးကဏ္ဍ ဖွံ့ဖြိုးတိုးတက်ရေးအတွက် အရေးပါတဲ့  အစီအစဉ်တစ်ခုဖြစ်ပြီး ၀န်ကြီးဌာနနှစ်ခု ပူးပေါင်းကာ တီဗီအစီအစဉ် ဖြစ်သော်လည်ကောင်း၊ Education Channel အဖြစ်သော် လည်ကောင်း၊  FM နဲ့ အွန်လိုင်း Education Channel  အဖြစ် ထုတ်လွှင့်လိုကြောင်း ဆွေးနွေးထားတယ်လို့  သိရပါတယ်။ 
 
ဒါ့အပြင် ပညာရေး ရုပ်မြင်သံကြားလိုင်းကို ထုတ်လွှင့်မယ်ဆိုပါက သီးခြားရုပ်သံလိုင်းအနေနဲ့  ဖော်ဆောင်ကာ ပညာရေး ပို့ချချက်တွေ၊ မှတ်တမ်းတွေ၊ ဇာတ်လမ်းတွေကို ထုတ်လွှင့်နိုင်ဖို့ ပညာရေးဝန်ကြီးဌာနက စီစဉ်ဆောင်ရွက် သွားရမှာ ဖြစ်ပြီး လိုအပ်တဲ့ ရုပ်သံဆိုင်ရာ အခြေခံအဆောက်အအုံနဲ့ နည်းပညာပိုင်း ဆိုင်ရာတွေကို ပြန်ကြားရေးဝန်ကြီးဌာနက ကူညီပေးသွားမယ်လို့ သိရပါတယ်။ မြန်မာပညာရေးပြုပြင်ပေါင်းလဲမှု အထောက်အပံ့ဖြစ်စေရန်နှင့် ဖွံ့ဖြိုးတိုးတက်မှုကို အရှိန် အဟုန်မြှင့်တင်စေရန်အတွက် အစိုးရ၏ ပညာရေးရုပ်မြင်သံကြားလိုင်း တစ်လိုင်း သီးခြား ထုတ်လွှင့် ပေးပါရန် ပြည်ထောင်စုအစိုးရအား တိုက်တွန်းတဲ့  အဆိုကို ပြည်သူ့ လွှတ်တော် ကိုယ်စားလှယ် ၉ ဦးက ဆွေးနွေးခဲ့တယ်လို့ သိရပါတယ်။
 
 

Related News