ဒဂုံတက္ကသိုလ်မှာတက်ရောက်သင်ကြားနေတဲ့ သိပ်္ပံဘာသာရပ် ၈ ခုကကျောင်းသား ကျောင်းသူတွေ စုပေါင်းပြီး ပထမဆုံးအကြိမ် သိပ်္ပံပြပွဲကို သြဂုတ်လ(၃)ရက်က ဒဂုံတက္ကသိုလ်မှာပြုလုပ်ခဲ့ပါတယ်။ အဲ့ဒီပြပွဲမှာ ပြခန်းပေါင်း(၂၀)ကျော်ပါဝင်ပြီး ဘာသာရပ်အလိုက် ကျောင်းသား ကျောင်းသူတွေရဲ့ တီထွင်ဆန်းသစ်မှုတွေကိုပြသခဲ့တာဖြစ်ပါတယ်။ယခုပြုလုပ်တဲ့ သိပ်္ပံပြပွဲမှာ သင်္ချာဌာန၊ ဓာတုဗေဒဌာန၊ ရူပဗေဒဌာန၊ သတ္တဗေဒဌာန၊ ရုက္ခဗေဒဌာန၊ ကွန်ပျူတာ သိပ်္ပံဌာန၊ဘူမိဗေဒဌာန၊ ကုန်ထုတ်ဓာတုဌာန အစရှိတဲ့ဌာနတွေက စိတ်ပါဝင်စားတဲ့ကျောင်းသား၊ ကျောင်းသူတွေ ပါဝင်ပြသခဲ့တာဖြစ်ပါတယ်။
 
ပြပွဲအတွင်း ဉဏ်စမ်းပဟေဠိ မေးမြန်းခြင်း၊ သွေးအမျိုးအစား စစ်ဆေးပေးခြင်း၊ ဗဟုသုတ မေးခွန်းများမေးမြန်းခြင်းနဲ့ ပြသထားတဲ့ပစ္စည်းများအကြောင်း ရှင်းပြတာတွေကို ပြုလုပ်ခဲ့တယ်လို့ သိရပါတယ်။ ကျောင်းသား၊ ကျောင်းသူတွေအနေနဲ့ ယခုလိုပြပွဲပြုလုပ်တာဟာ ပထမဆုံးအကြိမ် ဖြစ်ပြီး နောက်နှစ်တွေမှာလည်း နှစ်စဉ်ပြုလုပ်နိုင်အောင် ဆောင်ရွက်သွားမယ်လို့သိရပါတယ်။  
 
 
 

Related News