ပညာရေးပြုပြင်ပြောင်းလဲရေးအတွက်အခြေခံပညာ၊ ပညာရေးလုပ်သားများ သမဂ္ဂဖြစ်မြောက် ရေးအဖွဲ့နှင့် ပညာရေးစနစ်ပြုပြင်ပြောင်းလဲရေး နိုင်ငံလုးံဆိုင်ရာ ကွန်ရက်(NNER) တို့ရဲ့ ပညာရေးမူဝါဒ ဆိုင်ရာတွေ့ဆုံဆွေးနွေးပွဲကို သြဂုတ်(၆)ရက်က လှိုင်မြို့နယ် အတွင်းမှ ရှိတဲ့ (NNER)ရုံးခန်းမှာ ကျင်းပခဲ့ပါတယ်။ဒီဆွေးနွေးပွဲကိုတော့လက်ရှိပညာရေးကဏ္ဍမှာပြုပြင်ပြောင်းလဲဖို့ လိုအပ်နေတဲ့ အားနည်းချက် အားသာချက်တွေကိုပညာရေးနယ်ပယ်အသီးသီးမှာ ဖြတ်သန်းနေသူ အချင်းချင်းတွေ့ဆုံဆွေးနွေးနိုင်ဖို့ ကျင်းပတာ လည်းဖြစ်ပြီး ပညာရေးပြုပြင်ပြောင်းလဲဖို့အတွက် ရှေ့ဆက်မှုဝါဒတွေ ချမှတ်ဆောင်ရွက်သွားနိုင်ဖို့ ရည်ရွယ်ကျင်းပတာဖြစ်တယ်လို့ သိရပါတယ်။
 
ပညာရေးကဏ္ဍပြုပြင်ပြောင်းလဲဖို့ ပြုလုပ်တဲ့ ဒီဆွေးနွေးပွဲမှာအခြေခံပညာ၊ ပညာရေး လုပ်သားများသမဂ္ဂဖြစ်မြောက်ရေးအဖွဲ့မှဦးဆောင်အဖွဲ့ဝင်များ၊ တက္ကသိုလ်ဆရာများအဖွဲ့မှ ဆရာ၊ ဆရာမများအပြင်ပညာရေးနယ်ပယ်မှာဖြတ်သန်းနေတဲ့ နယ်ဒေသတွေကဆရာ၊ ဆရာမတွေလည်း တက်ရောက် ဆွေးနွေးခဲ့ကြပြီး(NNER)ရဲ့ ပညာရေးပြုပြင်ပြောင်းလဲရေး ကြိုးပမ်းမှုများ၊ အခြေခံပညာ၊ ပညာရေးလုပ်သားများသမဂ္ဂဖြစ်မြောက်ရေးအဖွဲ့ရဲ့ ပေါ်ပေါက်လာပုံနဲ့ လုပ်ငန်းစဉ်များ၊ တက္ကသိုလ်ဆရာ၊ ဆရာမများမှဆရာသမဂ္ဂများရဲ့ အခန်းကဏ္ဍတို့ကို ဆွေးနွေးခဲ့ကြပါတယ်။
 
ဒါ့အပြင်ပညာရေးပြုပြင်ပြောင်းလဲရေးအတွက် ဆရာကဏ္ဍပြုပြင် ပြောင်းလဲရမယ့် အချက်တွေကိုအုပ်စုဖွဲ့ ဆွေးနွေးတာတွေ အပြင်ဆရာသမဂ္ဂတွေ ဖွဲ့စည်းတဲ့အခါမှာ အားနည်းချက် အားသာချက်တွေကိုပါ ဆွေးနွေးခဲ့ကြပါတယ်။ 
 
 
 

Related News