တက္ကသိုလ်ကောလိပ် သိပ္ပံကျောင်းပေါင်းစုံ အသုံးလုံးအဖွဲ့ဝင်တွေဦးစီးတဲ့ စာတတ်မြောက်ရေးနှင့်ဒေသဖွံ့ဖြိုးမှုကူညီရေးအဖွဲ့ရဲ့ အလှူငွေပေးအပ်ပွဲအခမ်းအနားကို သြဂုတ်လ(၆)ရက်နေ့က တော်ဝင်နှင်းဆီမှာပြုလုပ်သွားခဲ့ပါတယ်။စာတတ်မြောက်ရေးနှင့်ဒေသဖွံ့ဖြိုးမှုကူညီရေးအဖွဲ့က ဆောင်ရွက်နေတဲ့ ပြည်ထောင်စုမြန်မာနိုင်ငံတော်အတွင်းမြို့နယ်၊ ကျေးလက်ဒေသတွေရဲ့ ပညာရေး၊ ကျန်းမာရေးနဲ့လူမှုရေးအကျိုးပြုစေတနာ့ဝန်ထမ်းလုပ်ငန်းလုပ်ငန်းတွေ ပိုမိုကျယ်ပြန့်စွာဆောင်ရွက်နိုင်ရေးအတွက်အသင်းဝင်များနဲ့ စေတနာရှင်တွေက ရန်ပုံငွေများစုပေါင်း လှူဒါန်းကြတာဖြစ်တယ်လို့သိရပါတယ်။ ဒီစုပေါင်းလှူဒါန်းပွဲမှာ အလှူရှင်အသီးသီမှထည့်ဝင်ကြတဲ့ အလှူငွေစုစုပေါင်း (၇၈)သိန်း(၄)သောင်းရရှိခဲ့တယ်လို့သိရပါတယ်။


စာတတ်မြောက်ရေးနှင့်ဒေသဖွံ့ဖြိုးမှုကူညီရေးအဖွဲ့ကို (၂၀၁၃)ခုနှစ်က စတင်တည်ထောင်ခဲ့တာဖြစ်ပြီးအဖွဲ့အစည်းတည်ထောင်ဖြစ်ခဲ့တဲ့ အကြောင်းရင်းကတက္ကသိုလ်ကောလိပ်သိပံ္ပနဲ့ ” အ”သုံးလုံးလုပ်အားပေးကျောင်းသားတွေကိုပြန်လည်စုစည်းချင်တဲ့ ဆန္ဒနဲ့တည်ထောင်တာဖြစ်တယ်လို့သိရပါတယ်။စာတတ်မြောက်ရေးနှင့်ဒေသဖွံ့ဖြိုးမှုကူညီရေးအဖွဲ့အနေနဲ့ယခုလက်ရှိလုပ်ဆောင်မှုတွေမှာ နယ်စွန်နယ်ဖြားသွားလာရေးခက်ခဲတဲ့နေရာတွေကို သွားရောက်ပြီး (၁၀)တန်းအောင်ချက်မြင့်မားရေးအတွက် တက္ကသိုလ်မှ ဆရာ၊ဆရာမတွေ ပါမောက္ခတွေက ကျေးရွာတွေသင်ကြားမှုတွေပြုလုပ်ပေးနေ တယ်လို့သိရပါတယ်။ အခုလိုသင်ကြားမှုတွေကို တစ်နှစ်ကို(၄)ကြိမ်ကျေးရွာများကို သွားရောက်သင်ကြားပေးနေတာဖြစ်တယ်လို့သိရပါတယ်။

 

 

 

Related News